மதுரைக் கோயில் வரலாறு
67
இருப்பதால் அரசே இதில் கருத்துச் செலுத்துதல் வேண்டும்.
பொன் : நல்ல கருத்துத்தான். நாம் வடக்கு வரிசையைப் பார்க்கலாம். இந்த மேல் பக்கத் தூணின் மேல் பக்கத்தில் ஓரடிப்பெருமான் (ஏகபாதமூர்த்தி)
கண்
உள்ளார்.
- 'செயற்கரிய செய்வார் பெரியர்' என்பர்; இவர் பெரியவர் தாம். ஒரு காலால் நிற்கவோ நடக்கவோ நம்மால் இயல்வது இல்லை. இவருக்கு எளிமையாக முடியும்! ஒற்றைக் காலிலே நிற்கிறான் என்னும் உலகவழக்கை நிலைநிறுத்திக் காட்டுகிறார் இவர்.
பொன் : பேருந்து வண்டியில் நின்றுகொண்டு வந்து ஒருவர் தள்ளாடும்போது, பேருந்து நடத்துநர் காலை அகற்றி வைத்து நில்லையா!" என்று சொல்ல வில்லையா! இரண்டு காலிருந்துமே தள்ளாடுகிறது! : "வழுக்கி வீழும்போதும் இவர் பெயரையே சொல்ல வேண்டும்" என்பது பெரியவர்கள் வேட்கை. இவ் வாறாக இவர் வழுக்கி விழுவாரா? தூணாக நிற்கிறார்! விழமாட்டார்!
கண்
பொன் : அடுத்து இருப்பவர் 'விடைஏறியார்' (ரிஷபாரூடர்) : விடை என்பது காளைதானே! காளையே எடுப்பாக நிற்கிறது.
கண்
பொன் : முப்புரங்களை அழிக்க இறைவன் போகும் போது தேவர்கள் செருக்குக் கொண்டனர். இதனை உணர்ந்த இறைவன் தேரை அழுத்தினான். தேர் ஒடிந்தது.தேவர்கள் திகைத்தனர்; "இனி இறைவர் எதன் மேல் போய் முப்புரத்தை அழிப்பார்" என்று நினைத்தனர். திருமால் காளையாகி வந்து இறைவனைத் தாங்கினார்.
கண்
- சரி சரி! புரிகிறது.
“தடமதில்கள் அவைமூன்றும் தழலெரித்த அந்நாளில்
இடபமதாய்த் தாங்கினான் திருமால்காண் சாழலோ"
என மாணிக்கவாசகர் பாடுகிறாரே அக்காட்சியா?
