78
கண்
இளங்குமரனார் தமிழ்வளம் 31
—
பொன் : சிற்பியின் கையில் இருந்து இவ்வாறு தோற்றம் : எடுத்துள்ளனர் என்றால், இதற்கு அடிப்படையாக இவ் வீரபத்திரர் பிறப்பே அச்சுறுத்த வந்தது தானே. : சிவனையும் சத்தியையும் மதியாமல் வேள்வி செய்த தக்கனையும் அவனுக்குத் துணையாக நின்றவர் களையும் தண்டிக்கத்தானே வீரபத்திரர் பிறந்தார்! அப்பன் நெற்றிக் கண்ணில் இருந்து வீரபத்திரர் பிறந்தார்! அம்மை சீற்றத்தில் இருந்து பத்திரகாளி பிறந்தாள்! இங்கே வீரபத்திரர் இருக்கிறார்! பத்திரகாளி?
பொன் : பத்திரகாளி வாயிலுக்குத் தென்பால் ஊர்த்துவ தாண்டவர் முன்னே மயங்கிப் போய் நிற்கிறாள்.
கண் : ஒரு வீரன் உடல் எப்படி இருக்க வேண்டும்? என்று கேட்டால் அவனைக் கையோடு அழைத்துக் கொண்டு வந்து, இவர்கள் முன்னே நிறுத்தி 'இப்படி இருக்க வேண்டும்' என்று காட்டலாம்.
பொன்: உண்மைதான்! வீரர் உடல் ஊதையாக இருத்தல் கூடாது; தொந்தி சரியக் கூடாது! தசை கல்லாக இருக்க வேண்டும்!
கண்
- ஆம்! இவர்கள் கல்லாக இருக்கிறார்கள்; கால மெல்லாம் இக் காட்சி வழங்குகிறார்கள்; நாவுக்கு அடிமைப்பட்ட மனிதன் இப்படி இருக்கிறானா? கண்டதையெல்லாம் தின்று கனத்துப் போகிறான்; காணாக்குறைக்கு வேலை எதுவும் செய்வது இல்லை; வெட்டியாக உட்கார்ந்தும் படுத்தும் பொழுதைப் பாழாக்குகிறான்! முறுக்கேற உழைக்கும் உடல் முன்னும் பின்னும் தள்ளுமா?
பொன் : மார்பின் அகலத்தைப் பார்! இடுப்பின் சுருக்கம் பார்! எலும்புத் தாக்கையும், நரம்பு எழுச்சியையும் பார்! முகத்தின் மிடுக்கும், காலின் எடுப்பும், உணர்ச்சித் துடிப்பும் ஒவ்வொன்றும் அருமைதான்!
கண்
வர்
- இவர் கால் மிதி போதாதா? இதில் இருந்து கீழே கிடக்கும் இவன் தப்பிப் பிழைப்பானா? சூலத்தின் இருகவடுகளும் இவன் கழுத்தின் இரு பக்கமும் அசையவிடாதபடி குத்திக் கிடப்பதைப்பார்!
