௩. பழனி நீதிநூல்
காப்பு
மதிமுக மைந்தர் மக்கட் கெல்லாம்
துதிமுகன் தொழுதியான் தூக்கினன் குறளே.
-
மதிமுக மைந்தர் கறையிலா நிறைமதி போன்ற முகத்தையுடைய பாலர்; மக்கள் - பெண் மக்கள்; துதிமுகன் - துதிக்கையுடைய முகத்தவனாகிய மூத்த பிள்ளையார்; தூக்கினன் குறளே குறள்யாப்பில் நீதிநூல் சொல்லத் தொடங்கினேன்.
நூல் - அகரவரிசை
அந்தணர்ஓத் தோதி அதிகாலை உச்சியந்தி வந்தனம் செய்தல் வளம்.
ஒத்து - வேதம்; வளம் - வளம் சேர்க்கும்.
ஆதி மனுவின் அரசுரிமை கைக்கொண்டு
(1)
நீதி வழுவாமை நெறி.
நெறி - அரசரின் செங்கோல் முறை
(2)
இம்மை விரும்பி இறுக்காய் மறுமைக்கு
வித்தாம் நிதியை விதை.
இறுக்காய் -கடைப் பிடியாய்.
(3)
ஈட்டுக்(கு) இடராய் இடுக்கண் விளைப்பவனே
காட்டுக்குள் வாழும் களிறு.
-
ஈட்டுக்கு பெருமைக்கு.
உள்ளத்துள் கள்ளம் ஒளித்து மொழிபவனே பள்ளத்துள் தான்மறையும் பாம்பு.
கள்ளம் ஒளித்து - வஞ்சத்தை மறைத்து.
(4)
(5)
