92
இளைஞர் வானொலி
இரு திசை மின்னோட்டம், முதலில் நேர்-மின்னூட்டம், அடுத்து எதிர்-மின்னூட்டம் என்று மாறிக்கொண்டிருப்பது இது.
ஊடகம் (Medium) : ஓர் அலை ஓரிடத்திலிருந்து பிறிதோரிடத்திற்குச் செல்லுவதற்கு வழியாக அமையும் பொருள். (எ - டு) ஒலி காற்று வழியாகவும், ஒளி வானி வழியாகவும் செல்லுகின்றன. காற்றும் வானியும் ஊடகங்கள்.
ஒத்த அதிர்ச்சி (Resonance) : ஒத்த அதிர்ச்சி நிலையையுடைய இரண்டு பொருள்களுள், ஒன்று அதிருங்கால் மற்றொன்றும் அதிலிருந்து சக்தியை ஏற்று அதிரும். இந்த நிகழ்ச்சியே 'ஒத்த அதிர்ச்சி' என்பது.
ஓலி அலைகள் (Sound Waves) : நாணற்குச்சி போன்ற ஒரு பொருள் அதிருங்கால் காற்றில் பரவும் அலைகளே ஒலி அலைகள் ஆகும். இவை வினாடியொன்றுக்கு 1100 அடி வீதம் சென்று பரவுகின்றன.
ஒலி பெருக்கி (Loud Speaker) : பேசுவோரின் பேச்சொலியைத் தொலைவிலுள்ளோரும் கேட்கும் வண்ணம் பெருக்கிக் காட்டப் பயன்படும் ஒருவகைச் சாதனம். இது மின்னாற்றாலால் இயங்குகின்றது.
ஓலி வாங்கி (Microphone) : ஒலியாற்றலை மின்னாற்றாலாக மாற்றக் கூடிய ஓர் அமைப்பு. சொற்பொழிவின் பொழுது பேசுவோரின் முன்னால் வைக்கப்பெறுவது.
ஒளி அலைகள் (Light Waves) : ஒளியும் அலை மூலமாகவே பரவுகின்றது. ஆனால் இதன் ஊடகம் வானி. இது வினாடி யொன்றுக்கு 1,86,000 மைல் வீதம் சென்று பரவுகின்றது.
கக்பி - இழை (Filament) : நேர் முறையில் சூடாக்கப்பெறும் ஒரு மெல்லிய கம்பியாலாகிய எதிர்-மின் முனையே கம்பி இழை.
