304
வைரஸ்
னும் உணவுப் பொருட்களில் ஊட்டச்சத்தான வைட்டமின் இடம் பெறுவது மிக முக்கியமாகும்.
நம் உடலுக்கு மிக இன்றியமையாத ஊட்டச் சத்தான வைட்டமினில் பலவகைகள் உண்டு. ஒவ்வொரு வகையும் ஒவ்வொரு விதமான உணவுப் பொருட்களிலிருந்து கிடைக்கிறது. ஒரே உணவு வகையில் ஒன்றுக்கு மேற்பட்ட ஊட்டச் சத்துக்கள் கிடைப்பதும் உண்டு. இவ்வூட்டச் சத்துக்களை A,B,C,D, E,K, H என வகைப்படுத்தியுள்ளனர். இது வரை 80-க்கு மேற்பட்ட வைட்டமின் வகைகள் கண்டறியப்பட்டுள்ளன.
முதன்முதலாக 1912ஆம் ஆண்டில்தான் இங்கிலாந்து நாட்டைச் சேர்ந்த ஹாப்கின்ஸ் எனும் அறிவியல் அறிஞர் நம் உடலுக்கு ஒரு வகை ஊட்டச் சத்துத் தேவைப்படுகிறதென்றும் அது பால் முதலான உணவுப் பொருள்களிலிருந்து கிடைக்கிறதென்றும் கூறினார். அதே ஆண்டில் போலந்து நாட்டைச் சேர்ந்த கசிமீர் பஸ்க் எனும் ஆய்வியலறிஞர் ஊட்டச் சத்துப் பொருளைத் தனியே பிரித்தெடுத்து, அதற்கு வைட்டமின் என்ற பெயரைக் சூட்டினார். அச்சொல்லுக்கு விளக்கம் தரும்போது 'இஃது உடலுக்கு ஊட்டம் தரும் உயிர்ச் சத்துப் பொருள்’ எனக் கூறினார். இதுவரை கண்டறியப்பட்டுள்ள 30 வைட்டமின்களில் 14 தனி உயிர்ச் சத்தாகப் பிரித்துக் கண்டறியப்பட்டுள்ளது.
சாதாரணமாக வைட்டமின்களின் தன்மைகளை இரு வகையாகப் பிரிப்பர். ஒன்று, நீரில் கரைபவை; மற்றொன்று கொழுப்பில் கரைபவை. நீரில் கரையும் வைட்டமின்கள் A, B இன வைட்டமின்களாகும். கொழுப்பில் கரையும் வைட்டமின் இனங்கள் A, D, E, K ஆகியவைகளாகும். வைட்டமின்களில் B இனம் ஒரே வகையான வைட்டமின் எனக் கருதப் பட்டது. பின்னர் நடைபெற்ற தொடர் ஆய்வின் விளைவாக அது பல்வேறு உயிர்ச் சத்துக் கூறுகள் அடங்கிய ஒரு தொகுப்பு (Complex) எனக் கண்டறியப்பட்டது. இத் தொகுப்பில் இது பன்னிரண்டு இனங்கள் அடங்கியுள்ளதாக தெரிய வந்துள்ளது. இன்னும் பல உயிர்ச் சத்துக் கூறுகள் இருக்கக் கூடுமெனக் கருதித் தொடர்ந்து ஆராய்ச்சிகள் செய்யப்பட்டு வருகிறது.
நாம் சாதாரணமாக உட்கொள்ளும் உணவு வகைகளில் வைட்டமின் உயிர்ச்சத்துப் பொருட்கள் ஓரளவே உள்ளன. உடல் சீராகவும் சிறப்பாகவும் இயங்க இன்றியமையாதனவாக இவை அமைந்துள்ளன. ஏனெனில், இவ்வைட்டமின்களாகிற ஊட்டச் சத்துக்கள் ஒவ்வொன்றும் ஒவ்வொரு வகையான உடல் பணிகளையாற்ற உதவுகின்றன. எனவே, சிறப்பாக உடல் இயங்க இவை அவசியம் தேவை. எல்லா வைட்டமின்களையும் உடல் பெறுகின்ற அளவில் நாம் உண்ணும் உணவுகள் அமைவது அவசியம். அப்படியிருந்தும் வைட்டமின் பற்றாக்குறை உடலுக்கு ஏற்படும்போது அதைச் சரிகட்ட மருத்துவ ஆய்வின் விளைவாக செயற்கையாக மாத்திரை உருவிலும் திரவ வடிவிலும் தயாரிக்கப்பட்டு விற்பனை செய்யப்படுகின்றன. இவற்றைத் தேவைப்படுவோர் உண்டு தம் வைட்டமின் பற்றாக்குறையைப் போக்கிக் கொள்ளலாம்.
வைரஸ் : உடலில் நோயை உருவாக்கும் கிருமிகளுள் வைரஸ் என்பவை ஒரு வகை நச்சுக் கிருமிகளாகும். இவை மிகவும் நுண்மையானவை. இவற்றை எலெக்ட்ரான் மைக் ரோஸ்கோப் எனும் ஆற்றல்மிகு மின்னணு உருப்பெருக்காடி மூலம் மட்டுமே காண முடியும். வைரஸ் நச்சுக் கிருமிகளைப் பற்றிய முழுத் தகவல்களும் இன்னும் கண்டுபிடிக்கப்படவில்லை. இவை உயிருள்ளனவா அன்றி உயிரற்றவைகளா என்பதே இன்னும் அறியப்படவில்லை. ஆயினும் உடலிலுள்ள உயிரணுக்களையே தங்களின் வாழிடங்களாகக் கொண்டுள்ளன என்பதை உயிரியல் ஆய்வாளர்கள் கண்டறிந்துள்ளார்கள். இவை எவ்வாறு உணவு கொள்கின்றன. எங்ஙனம் செரிமானம் ஆகின்றது என்பவையெல்லாம் இன்னும் தெளிவாகாத புதிர்களாகவே உள்ளன. ஆனால், அவைகளால் சுவாசிக்க முடிகிறது என்பதை மட்டும் கண்டுபிடித்துள்ளார்கள்.
இவற்றிற்குச் சில இயல்புத் தன்மைகள் உண்டு, அவை வழிவழியாக இவற்றிற்கு இருந்து வருகின்றன. இவை பாக்டீரியா கிருமிகளிலிருந்து முற்றிலும் வேறுபட்டவையாகும். படிகத்தைப்போல் தோற்றமளிக்கும் வைரஸ் கிருமிக்கு ஒரு உட்கரு உண்டு. அது நியூக்ளியஸ் என்று அழைக்கப்படும். நியூக்ளியஸ் அமிலத்தினாலானது. இதை புரதப்படலம் ஒன்று மூடிக் கொண்டிருப்பதாகக் கண்டறிந்துள்ளார்கள்.
மனிதர்களிடம் நோயை உண்டாக்குவது போன்றே தாவரங்களுக்கும் விலங்குகளுக்கும்
