இப்பக்கம் மெய்ப்பு பார்க்கப்பட்டுள்ளது
ஒருநாள் இரையே கிடைக்காமல்
ஓநாய் ஒன்று அலைந்ததுவே.
அருகில் ஏதோ குரல்கேட்க
அங்கே சென்று பார்த்ததுவே.
சின்னக் குழந்தை அழுதிடவே
சொன்னாள் தாயார் அதனிடத்தே.
‘உன்னை வெளியே எறிந்திடுவேன்;
ஓநாய் தின்ன விட்டிடுவேன்.’
தாயார் சொன்னது நிஜமென்றும்,
தனக்கு நல்ல உணவென்றும்,
ஓநாய் எண்ணி அவ்விடத்தே
உட்கார்ந் திருந்தது, ஆவலுடன்.
113
