இப்பக்கம் மெய்ப்பு பார்க்கப்பட்டுள்ளது
இரண்டு பிணங்கள்
❖
இரண்டு பிணங்கள் எதிரெதிரே!
மருத்துவர் வந்தார்
அறுத்துப் பார்த்தார்
தற்கொலை என்றார்... சென்றார்
இரண்டு பிணங்கள் எதிரெதிரே!
நடைப்பினமாக
நாளைக் கழித்து
நாடகம் முடித்த தொன்று...
கடைப்பிணமாகக்
காசைப் பெருக்கிக்
கதையை முடித்த தொன்று...
இரண்டு பிணங்கள் எதிரெதிரே!
மூட்டைதூக்கிப்
பிழைக்கவும் முடியாப்
பூச்சி,
மூட்டைப் பூச்சி மருந்தைக்
குடித்தான்... உடனே
குளிர்ந்துபோனான்... போனான்
34
