106
அறிஞர் அண்ணா
சே : சரி, வீட்டுக்குப் போவோம் வாங்க. ஒரு முக்கியமான வேலை. அவசரம்.
ஜெ : வீட்டிலே யாரும் இல்லை. இன்னக்கி வேலைக்காரனுங்களுக்கெல்லாம் லீவ் கொடுத்து அனுப்பிவிட்டேன்.
ர : ரொம்ப நல்லதாப் போச்சி, விஷயமும் இரகசியமாகப் பேச வேண்டியதுதான்.
[மூவரும் போகின்றனர்.]
காட்சி - 46
இடம் :- ஜெமீன்தாரர் வீடு.
இருப்போர் :- ஜெமின்தாரர், சேகர், ரத்னம்,
[மூவரும் உட்காருகின்றனர்.]
ஜெ : சேகர்! தேவர் சொன்னாரா?
சே : சகலமும்! எனக்கு சுசீலா செளக்கியமாக, சந்தேராஷமாக இருக்கவேணும். அவ்வளவுதான்.
ஜெ : நீ நல்ல புத்திசாலி, டாக்டர். உன்னிடம் நிஜத்தைச் சொல்றேன். எனக்கு சுசீலா மேலே கொள்ளை ஆசை. உயிரு தான்...
ர : இருக்கும் இருக்கும்! பாதை ஓரத்திலே கிடந்தவ மேலேயே ஐயாவுக்கு அவ்வளவு ஆசை இருந்தப்போ...
ஜெ : யாரு இந்தப் பயல்? குறும்பு பேசிக்கிட்டே இருக்கிறான்.
ர : டாக்டர்! என்னா இது? இந்தப் பயக்கிட்ட என்னென்னமோ பேசிகிட்டு வந்த வேலை சுருக்கா முடிய வேணுமே.
ஜெ : யாரு இவன் முரட்டுப் பயல்.
ர : நம்ம முரட்டுத்தனத்தைப் பேச்சினாலே தெரிந்து கொள்ளமுடியாது.
[ஜெசுவீரன் உட்கார்ந்திருக்கும் நாற்காலியை உதைத்து, ஜெகவீரனைக் கீழே உருள வைத்து]
இப்பப் புரியும், நம்ம முரட்டுத்தனம்.
[ஜெசுவீரர் எழுந்து தள்ளாடி நிற்கிறார்.]
ர : எங்கே அந்தப் படம்?
ஜெ : (திகிலடைந்து) எந்தப் படம்?
ஏ : உங்க அப்பன் படம்! ராஸ்கல்! ஏதாவது தெரியுமா?
சே : தேவர், பவானியைக் கொலைசெய்தார் என்பதைக் காட்டும் படம்.
ஜெ : என்னிடம் இல்லையே.
