இப்பக்கம் சரிபார்க்கப்பட்டது.
102
ரொட்டித்
காட்சி—15.
இடம்: அயோத்யா மாளிகை-உட்புறக் கூடம்.
இருப்போர்: ராம்லால்,பணியாள், பாரத்பூஷண், சுப்புதாய்.
நிலைமை: களைத்துப் போயிருக்கிறார் ராம்லால். சாய்வு நாற்காலியில் படுத்துக் கண்களை மூடிக்கொண்டிருக்கிறார். பணியாள் ஓடோடி வந்து....பணி: சின்னவரு வாராருங்க...
[ராம்லால் முகம் கடுகடுப்பாகிறது.]
ராம்: (வெறுப்பும் கோபமும் காட்டி) யார்...மேதாவியா? இங்கேயா...
[வேறோர் வேலையாள் மாலைகளைத் தூக்கிக் கொண்டு, மகிழ்ச்சியுடன் வருகிறான்.]
[மாலைகளைக் கண்டதும், ராம்லால் மேலும் ஆத்திரமடைந்து...]ராம்லால்: மடையா! என்னடா இது...எடுத்துக் கொண்டு போய்க் குப்பை மேடு பார்த்துப் போடு...இங்கே ஏன் எடுத்துக்கிட்டு வர்ரே...
[பாரத் பூஷணன் வருகிறான், "அம்மா," என்று அன்புடன் அழைத்தபடி. சுப்புத்தாய் உட்புறமிருந்து வருகிறார்கள். மகனை அன்பாக வரவேற்கவில்லை. சரியாகக்கூடப் பார்க்கவில்லை. ராம்லால் முகத்தை வேறு பக்கம் திருப்பிக் கொண்டிருக்கிறார். இருவரின் போக்கையும் கண்டு பாரத்பூஷண் சிறிதளவு திகைப்பு அடைகிறான்.]
பாரத்: (ஆவலுடன் அருகே சென்று)அப்பா ...!
[ராம்லால், அவனைத் திரும்பிக்கூடப் பார்க்காமல் இருக்கிறார்.]
பாரத்: என்ன அப்பா இது...
