இப்பக்கம் சரிபார்க்கப்பட்டது.
108
ரொட்டித்
பாரத்பூஷண் சீட்டாட்டத்தில் மற்றவர்களைத் தோற்கடித்திருக்கிறான் என்பதை அவன் எதிரே குவிந்துள்ள பணமும், மற்றவர்களின் முகத்தில் உள்ள கவலையும், அதை மறைக்க அவர்கள் அசட்டுத்தனமாக சிரிப்பொலி கிளப்புவதும் நன்றாக எடுத்து காட்டுகின்றன. கூடத்தில் ஓர் கோடியில் இளைத்த நிலையில் காணப்பட்ட ஒரு இளைஞன் ஏதோ மும்முரமாக எழுதிக் கொண்டிருக்கிறான். அவன் எதிரே உள்ள மேஜைமீது பல புத்தகங்கள் இருக்கின்றன. சீட்டாட்டக்காரரில் ஒருவன் சற்று உரத்த குரலில் ஏதோ சினிமாப் பாட்டை பாட ஆரம்பிக்கிறான். மற்றொருவன் மேஜை மீது தாளம் போடுகிறான். சத்தம் கேட்டு, எழுதிக் கொண்டிருக்கும் இளைஞன் சற்று முகம் சுளித்துக் கொள்கிறான்.
பாரத்: (பாடுபவனைப் பார்த்து) டேய், அப்பா! சங்கீத வித்வான்! போதுமடா, உன்னோட சங்கீதம். கதிர்வேலு எழுதுவது கெட்டுவிடப் போகுது...கதிர்வேல்! இன்னும் எத்தனைப் பக்கம் இருக்கு...
சீட்டாடும் ஒருவன்: என்னத்தை எழுதிக்கிட்டு கிடக்கிறான் கதிரு!
பாரத் : நம்ம, பாடம்தான்...
கதிர்: உங்க பாடம்? அப்பவே எழுதி முடிச்சாச்சே...
பாரத்: இப்ப என்ன எழுதறே...?
சீ. ஒருவன்: எதையோ கிறுக்கறான்...நீ பார்த்துப் போடுடா, சீட்டை.
