கிளிஞ்சல்கள் 27 4. எல்லை கடந்த நிலை 'வியட்நாம் வீடு' இதுதான் இந்தச் சுந்தரத்தின் வீடு. அதாவது ஒய்வு அவருக்குத் தர இன்னும் சில புது வருடங்கள் பிறக்க வேண்டும். 'சீட்டுக் கிழிய பல சீட்டு கள் கிழிபட வேண்டும்; என்றாலும் அந்தநாள் அவர் எதிர்பார்த்த நாள். அதற்குள்ளாக வீட்டு 'பைல் எடுத்துத் தீர்த்து முடித்தால் அதற்கப்புறம் அவர் சீனியர் சிட்டிசன் ஆகி விடலாம். இப்பொழுது வயது முதிர்ந்தவருக்குத் தரப்படும் முத்திரை அது; வரி விலக்குகள், ரயில் பயணச் சலுகைகள், பஸ்ஸில் முந்தியில் குந்துவதற்கு ஒரு இடம். பெரியவர் என்ற பெருமைக்குத் தள்ளப்படும் வயது; அது வாழ்வின் எல்லை; அதற்குள் அவர் கடக்க வேண்டிய மைல்கல் மூன்று. மூன்றும் பெண்ணாகப் பிறக்கும் என்று அவர் எதிர்பார்க்கவில்லை; எதிர்பாராமல் நடப்பது விபத்து என்று சொல்வார்கள். பழகி விடுகிறது. இதனால் பண்பாடு ஏற்படுகிறது. பொறுப்புள்ள வராகுவதற்கு இந்தப் பெண் பெற்றமை பெரிதும் உதவு கிறது; நரைமுடிகள் அவற்றிற்குக் காரண கர்த்தாவாக இந்த உதயங்கள் அவருக்கு உதவின.
