இப்பக்கம் சரிபார்க்கப்பட்டது.
30
கோவேந்தன்
அரசாங்க உந்துவண்டி ஏறி
அவல முற வண்டிபல மாறி
புறப்பட்ட இளைஞனவன்
போய் இறங்கக் கண்டவர்கள்
இரக்கம் உற்றார் முதுமையினைக் கூறி!
◯
ஒட்டக் கூத்தர் மீண்டும் இங்குப் பிறந்தார்
உள்ள பல ஏடுகளைத் திறந்தார்;
புட்டத்தில் கால்படவே
உயிர் பிழைத்தால் போதும் என்று
'புதுக்கவிதைக் காரர்' எல்லாம் பறந்தார்!
◯
வருவாய் வரி அதிகாரி நான் என்றார்
வண்ணப்படக் காரிகண்ணால் கொன்றாள்.
திரும்ப, மனம் இல்லாமலே
திரை நடிகைக் காலழகில்
வருமானம் விட்டுத் தெரு நின்றார்!
◯
பாண்டவரும், கெளரவரும் பிறந்தார்
பாரதத்தின் தேர்தலிலே பறந்தார்;
ஆண்டவர்கள் வாக்கெடுத்தார்
கெளரவர்கள் ஆளவந்தார்
மாண்புகளாய் மாநிலத்தில் சிறந்தார்!
