இப்பக்கம் மெய்ப்பு பார்க்கப்பட்டுள்ளது
18
குழந்தை உலகம்
- மதுரையிலே குதிரைகட்டி
- வாற புலவருக்குக்
- குதிரையுடன் காளாஞ்சி
- கொடுப்பார்கள் பெற்றகண்ணோ !
- குதிரை விலைமதிக்கும்
- குபேரனார் பெற்றகண்ணோ !
- மாடு விலைமதிக்கும்
- மகராசர் பெற்றகண்ணோ !
- குதிரை விலைமதிக்கும்
- கொற்றவனார் உங்களம்மான்
- தங்கம் விலைமதிக்கும்
- தாட்டியவான் உங்களம்மான்
- பாட்டனார் எல்லேயிலே
- பட்டுவந்து விக்குதென்று
- பட்டு விலைமதிக்கப்
- பத்துப்பெறும் உங்களம்மான்
- முப்பாட்டான் எல்லையிலே
- முத்துவந்து விக்குதென்று
- முத்து விலைமதிக்க
- முப்பதுபெறும் உங்களம்மான்.
- மதுரையிலே குதிரைகட்டி
அம்மான் பெருமை இதோடு நிற்கவில்லை. அவனுடைய பக்தியும் பாட்டுத் திறமும் வீரமும் பிற சிறப்புக்களும் புங்கானு புங்கமாகப் புறப்படுகின்றன.
- குளங்கலங்க நீர்முழுகிக் கொடிபோல நாமமிட்டு
- மலைகலங்கப் பாடிவரும் மன்னர் மருமகனோ !
- அடிக்கரும்பை வெட்டி ஆனக்கே தீனிபோட்டு
- நுனிக்கரும்பை வில்வளைக்கும் விசையர் மருமகனோ !
- சாவ லடிக்குச் சமுதா டிடையிலிட்டுச்
- சேவற்போர் எண்ணவரும் சமத்தர் மருமகனோ!