பஞ்சாமிர்தம்
59
மின்னல் இடிக்கும் அஞ்சா துயருங்கொடி - விண்ணில்
வீரர் திலகர்தொழும் விருதுக்கொடி
தன்னை மிதித்தெறிந்த சூரர்களெல்லாம் - இன்று
தாழ்ந்து தலைவணங்கக் காணும்கொடி.
3
சத்தியம் தவறாது காக்கும்கொடி - சாதிச்
சமயச் சழக்குகளைப் போக்கும்கொடி,
உத்தம வீரர்களும் பத்தினிகளும் - தத்தம்
உயிருக் குயிராகப் போற்றும் கொடி
4
கலியுகக் கண்ணன் கருணாகரன் - அந்தக்
காந்தி மகான்வாழ்த்தி யெடுத்தகொடி,
புலியொடு பசுவுஞ்சென் றோர்துறையில் - மனம்
பொருந்திநீர் அருந்திடச் செய்யும்கொடி.
5
ஊக்கத்தை உள்ளத்தில் ஊட்டும்கொடி - தேச
ஊழியம் செய்திடத் தூண்டும்கொடி,
ஆக்கமெலாந் தேடிச் சேர்க்கும்கொடி - நம்மை
ஆண்சிங்க மாகவே ஆக்கும்கொடி.
6
நாடுநமதாகக் கண்டகொடி - அதை
நாமே அரசாள வைத்தகொடி.
வீடு நமதென்று வீரம்பேசி - இன்று
வெற்றி முரசறையச் செய்தகொடி.
7
மட்டுக் குடிசையின்மீ தாடும் கொடி - உயர்ந்து
ஓங்கிய மேடையின்மீ தேறும்கொடி,
சட்டசபைகளிலே தழையும் கொடி-அங்கே
தங்கும் பெரியோர்மேல் பட ரும்கொடி.
8
மானம் உருவாக வந்தகொடி - இதை
மாசுறச் செய்வது பாவம்,பாவம்;
ஊனில் உயிருள்ள காலமெல்லாம் - மிக
ஊக்கமாய் நின்றுநாம் காத்திடுவோம்.
9
