93
கடிக்காமல் விடாது' என்று பயந்தபடியே அவன் முற்றுகைக்குத் தயாரானேன்.
"என்ன பலராம்! எங்கே மறுநாள் வரேன்னு விலாசம் வாங்கிக்கொண்டு அப்புறம் வரவேயில்லையே?" என்றேன்.
"ஓ! அதுவா? அது என்னடா ஜாப்! ஸில்லி! எல்வாருக்கும் பல்லைக் காண்பித்துக்கொண்டு. நான்சென்ஸ்! அப்பவே அதை விட்டுட்டேன்!"
"விட்டுட்டாயா? அப்படின்னா இப்ப என்ன செய்யறே?" "இப்ப ஒரு புரொட்யூசரைப் பிடிச்சு மாம்பலத்திவே ஹனிமூன் பிக்சர்ஸுன்னு ஒரு படக் கம்பெனி ஆரம்பிச்சிருக்கேன். அதுலே நான் ஒரு பார்ட்னர்; இங்கிலீஷ் மர்டர் த்ரில்லரை' தமிழிலே அருமையான சோஷல் லவ் ஸ்டோரியா மாத்திருக்கேன். ஒண்டர்புல் ஐடியாவெல்லாம் போட்டிருக்கேன். வரப்போறது பாரேன். உனக்கு 'ப்ரீ பாஸ்' அனுப்பி வைக்கிறேன். ஓய்பையும் அழைச்சிண்டு வா!" என்றான்.
"படம் எடுத்தாயிடுத்தா?"
"இல்லேடா; அடுத்த வாரம்தான் பூஜை போடப் போறோம். ஸ்டார் புக்கிங் நடந்துண்டிருக்கு. வாடா எல்லாம் சொல்றேன்..." என்று கூறி என்னை ஏர்கண்டிஷன் ஓட்டல் ஒன்றுக்குள் அழைத்துச் சென்றான். ஒரே உற்சாகம் லெதர்பாக்கில் கற்றை கற்றையாக நோட்டுகளைத் திணித்துக்கொண்டு உலகத்தையே விலைக்கு வாங்கிவிடுபவனைப் போன்ற பெருமிதத்துடன் காணப்பட்டான்.
"ஸாலட் சாப்பிடறயா!" என்றான்.
"வேண்டாம், காபி மட்டும் போதும்" என்றேன்.
"நீ ஒரு டல் பேர்வழிடா! ஹாப்பியா இருக்க கத்துக்கணும்டா? லைப் ஈஸ் பார் லிவிங்டா, இடியட்! ஸர்வர்! இரண்டு ப்ரூட் ஸாலட் கொண்டு வா" என்று கூறிக்கொண்டே வில்ஸ் ஃபில்டர் சிகரெட்டை எடுத்துப் பற்ற வைத்துக்கொண்டு எனக்கும் ஒன்று கொடுத்தான்.
