5 விருந்தோம்பல்
உண்மைத் தணிகாசலம்
பல ஆண்டுகளுக்கு முன் திரைப்படம் ஒன்று வெளி வந்தது. அப்படத்தில் எஸ்.வீ. ரங்காராவ் என்ற நடிகர் 'தணிகாசலம்' என்ற உறுப்பினராக நடித்தார். அருமையான நடிப்பு!
இவர் இல்லத்திற்கோ ஊருக்கோ எவரேனும் வந்து விடின், அவ்வில்லத்திற் கட்டாயம் உண்ணுதல் வேண்டும். உண்ணா விடில் விடார். அத்தகு தாராள மனமுடையவர். பிறர் எவராகினும் அவர்க்கு விருந்து படைப்பதிலே 'தணிகாசல'த் துக்குத் தணியாத இன்பம்.
ஒரு நாள் புதியரொருவர், இவருடைய இல்லத்திற்கு வந்திருந்தார். அவரை உண்ணுமாறு அழைத்தார். வந்தவரோ மறுத்துரைத்தார். தணிகாசலம் வெகுளத் தொடங்கி விட்டார். "எக்ஸ் ஜில்லா போர்டு மெம்பர், மாஜி பஞ்சாயத்து போர்டு பிரசிடெண்ட், எஸ்.கே. தணிகாசலம் என்றால் இந்த ஊருக்கே தெரியுமே. இங்கே வந்துவிட்டு நம்ம வீட்டிலே சாப்பிடாமற் போறதாவது? (பணி யாளரை நோக்கி) டே! கதவைச் சாத்து, ஐயா சாப்பிட்ட பிறகு வெளியில் விடு" என்று ஆணையிட்டார்.
