260 பல்வேறு பகுதிகளில் இருந்தமை மாகாணங்களின் பெயர்களைக் கொண்டு அறியலாம். அன்றியும் கோட்டுர் மாகாணத்தில் கொடுத்த ஐந்து வேலி 'நிலம் கொண்ட பகுதிக்கு லசுஷ்மி நரசிம்மபுரம் என்றும் தனிப்பெயர் கொடுக்கப் பெற்றது. கொடுக்கப்பெற்ற நிலங்கள் எத்தகைய நிலங்கள் என்பது கூர்ந்து அறியத்தக்கது. " அனாதி தரிசு " என்றமையால் பல ஆண்டுகளாக அவை உழுது பயிரிடப் பெறாமல் இருந்தனவாதல் வேண்டும். இவ்வனாதி தரிசு பெற்றமையான் வேதியர்கட்குப் பயன் என்ன என்ற கேள்வி எழலாம். நிலமும் உண்டு; நிலத்திற்குப் பாய்ச்ச நீரும் உண்டு; அதை உழுது பயிரிடக் குடிமக்களும் உண்டு ; எனினும் ஏழைக் குடிமக்கள் பயிர்த்தொழில் செய்ய விதை வேண்டும்; ' தசு கூலி " வேண்டும்; எரு வேண்டும்; காவல் வேண்டும்; களை கட்டல் வேண்டும்; இவை செய்யுங் காலத்தில் அவர்களும் உண்டு வாழ வேண்டுமே. இவற்றுக்கொல்லாம் பணம் தேவை. _ - _ -- இத்தகைய தரிசு நிலங்களைத் தானமாகப் பெற்றவர் தம் வாழ்நாள் முழுவதும் அந்நில வருவாயை அனுபவிக்கலாம். அந்நிலத்துக்கு அவர்கள் தீர்வை (வரி) செலுத்தவேண்டியதில்லை அல்லது மிகச்சிறு தொகையே செலுத்தவேண்டும். அன்னோர் வசதிபடைத்த்வராக இருத்தலும் கூடுமாதலின் பயிரிடும் செலவுகளில் பெரும்பகுதி முன்பணமாகத் தரவியலும்; அவர்கள் மேற்பார்வையில் அந்நிலங்கள் ' பயிரிலி நன்செய் ' ஆக இருந்த நிலையி லிருந்து பயிரிடப்பெறும் நிலையை எய்தும். - o தரிசு நிலங்கள் அரசனுக்கே சொந்தம். அவன் அனுமதியின்றிப் பயிரிடமுடியாது. ஆகையால், விலைகொடுத்துப் பெறாமல் இலவசமாக இந்நிலங்களைப் பெற்றனர்; தரிசு நிலத்தைப் பயிரிடக்கூடிய நிலமாக ஆக்கினர் வருவாயைப் பங்கிட்டு நுகர்ந்தனர். இவையே சுரோத்திரியம் பெற்றதனானாய பயன்கள் எனலாம். சுரோத்திரியங்கள், தருவதற்கு முன், தரிசு நிலங்களே என்பதில் ஐயமில்லை: -- - - " வடக்கு வட்டம் நல்லாடை மாகாணம் ரொம்ப காளாகத் தரிசாக வெள்ளெருக்கு முளைத்து உடைப்பினால் சாகுபடி செய்யாமல் இருப்பத்ால் ஹரிஹரபுரம் என்று பேர்வைத்து 4 பேருக்குச் சுரோத்திரயம் செய்தது ' என்ற குறிப்பும் இதற்குச் சான்று பகரும். இது கி. பி. 1777க்குரிய நிலக்கொடை இரண்டாம் துளஜாஜி அளித்த சுரோத்திரியம் ஆகும். இதிலும் அச்சுரோத்திரியப் பகுதிக்கு ' ஹரிஹரபுரம் " என்று வேறு பிரித்துப் பெயர் வைத்தமை உணரற்பாலதாம். 5, է ո ԼԸ மோ. தி. 2-4
