பக்கம்:தமிழ் இலக்கிய வரலாறு-சி.பாலசுப்ரமணியன்.pdf/279



இக்காலம்

277

⁠காதல் திருமணத்தையும், விதவைகள் மறுமணத்தையும் ஆதரிக்கிறார் புரட்சிக் கவிஞர், பாடல்களில் வேகமும் விவேகமும் காணப்படுகின்றன:

'காதலிருவர்களும் - தம்
⁠கருத்தொருமித்தபின்
வாதுகள் வம்புகள் ஏன்?- இதில்

⁠மற்றவர்க் கென்ன உண்டு?'

✽✽✽

'வாடாத பூப்போன்ற மங்கை நல்லாள்
⁠மணவாளன் இறந்தால் பின் மணத்தல் தீதோ?
பாடாத தேனீக்கள் உலவாத் தென்றல்

⁠பசியாத நல்வயிறு பார்த்த துண்டோ ?'

⁠இளைஞர்களுக்கு ஏற்ற முறையில் நிலவை வருணிக்கும் பொழுது புதுப்பொருள் துலங்கப் புதுப் பார்வையோடு நிலவைக் காண்கிறார் கவிஞர்:

'முழுமை நிலா அழகுநிலா
⁠முளைத்தது விண்மேலே- அது
பழமையிலே புதுநினைவு

⁠பாய்ந்தெழுந்தாற் போலே!'

கவிஞரின் சீர்திருத்த உள்ளம்,

'சாதிமத பேதங்கள் மூடவழக் கங்கள்
⁠தாங்கி நடை பெற்றுவரும் சண்டையுல கிதனை
ஊதையினில் துரும்புபோல் அலைக்கழிப்போம்; பின்னர்

⁠ஒழித்திடுவோம் புதிதான ஓருலகம் செய்வோம்!'

என்னும் அடிகளில் பளிச்சிடுகின்றது.

⁠மேலும் இவர் 'வலியோர் சிலர் எளியோர்தமைவதையே புரிகுவதா?' என்று வினாக்குரல் எழுப்பி,