217
9. அவையறிதல்
அவை யறிதலாவது இருந்த அவையத்தாரையறிந்து அதற்கு தக்க சொல்லுதல். அரசன் குறிப்பறிந்தாலும் அவையறிந்து சொல்ல வேண்டு மாதலின், அதன்பின் கூறப்பட்டது.
711. அவையறிந் தாராய்து சொல்லுக சொல்லின்
றொகையறிந்த தாய்மை யவர்.
(இ-ள்) இருந்த அவையத்தாரை யறிந்து, அதற்குத் தக்க சொல்லும் திறனை ஆராய்ந்து சொல்லுக; சொல்லின் தொகையை
யறிந்த தூய்மையை யுடையர், (எ-று).
தொகையறிதல்-திறனறிதல். இது, அவையறிந்து ஆராய்ந்து சொல்லுமாறு கூறிற்று. I
712 ஆற்றி னிலைதளர்த் தற்றே வியன் புல மேற்றுணர்வார் முன்ன ரிழுக்கு.
(இ-ள்) ஒரு நெறியின்கண் நின்றார் அந்நிலைமை குலைந் தாற்போல இகழப்படும், அகன்ற கல்வியைக் கேட்டறிய வல்லார் முன்னர்த் தப்புதல், (எ-று).
ஏற்று என்பது கேள்வியின்கண் வருதலின் கேள்வி ஆயிற்று. 1ே ல் தப்பு வாராமற் சொல்லவேண்டுமென்றார்; அதனால் வரும் குற்ற மென்னை என்றார்க்கு இது கூறபபட்டது. 2
713. நன்றென் றெவற்றுள்ளு நன்றே முதுவருண்
முந்து கிள வாச் செறிவு.
(இ ள்) நன்றென்று சொல்லப்பட்ட எல்லாவற்றுள்ளும் மிக நன்று, தம்மின் முதிர்ந்தார்முன் முந்துற்றுச் சொல்லாத அடக்கம், (எ-று)
