72 ராசி
நப்பின்னையின் அணைப்பு உன்னைத் தடுக்கிறது. அந்த நயப்பைச் சிறிது விட்டுக் கொடுக்கக் கூடாதா என்று கண்ணனுக்கே கூறியதாகிறது.
ஆற்ற கில்லை-கில் இடைச்சொல்; ஆற்றலை
உணர்த்துவது. தத்துவம்-கொள்கை; நியாயம்; இது பொது நியதி.
தகவு-உனக்கு இது தகாது என்று சிறப்பு நியதி கூறப் பட்டது என்க. தகவு அன்று என ஒரு சொல் கூட்டிப்பொருள் கொள்க.
யார்மீது குறை கூறுவது? கண்ணனுக்கோ நப்பின்னை யைவிட்டுப் பிரிய, மனம் இல்லை; அவளும் விட்டுக் கொடுப் பதாக இல்லை; என்ன செய்வது; சிறிது விட்டுக் கொடு; எங்களுக்கு அருள் செய்ய அனுப்பு என்று கேட்டுக்கொள் கிறார்கள்.
குக்கூ என்றது கோழி; துட்கு என்றது என் தூய நெஞ்சம்; தோள்தோய் காதலர்ப் பிரிக்கும் வாள்போல்
வைகறை வந்ததால் எனவே
இக் குறுந்தொகைப் பாடல் இக்கருத்தையே உணர்த்து கிறது.
கோழி குக்கூ என்றதாம்; தோளைத் தழுவும் காதல னைப் பிரிக்கும் விடியற் பொழுது வாளைப்போல வந்து விட்டதே என்று திடுக்கிடுகிறாள்; தலைவி தலைவனைப் பிரிய மனம் இல்லாமல் இருக்கும் நிலையைப்பற்றி இக்குறுந் தொகைப் பாடல் அழகாகச் சித்திரிக்கிறது. அதே நிலை தான் நப்பின்னை நிலையும்.