இப்பக்கம் மெய்ப்பு பார்க்கப்படவில்லை
தாய் நாடே அறம்பொருள் கண்ட நாடே ஆன்றோரை ஈன்ற நாடே மறைந்திடாப் பெருமை பெற்ற மணித்திரு நாடே! வண்ணக் குறிஞ்சியாய் முல்லை யாகிக் குளிர்கடல் நெய்த லாகிச் சிறந்துள என்தாய் நாடே! செந்தமிழ்த் தென்றல் நாடே ! ஊனாகி அந்த ஊனில் உயிரேறி வடிவம் பெற்று நானாகித் தமிழ னாகி நடமாடும் என்னைத் தாங்கும் தேனான நாடே! இன்பத் திருக்குறள் நாடே! நீல வானேந்தும் நாடே உன்றன் மடியன்றோ எனக்குத் தொட்டில்?
