நால்வேதப் பாடல்களைத் தந்துள்ளோம். அடுத்தொரு தனி நூல் பாடல்களாக வெளிவரும்.
ஆழ்வார்கள் ஆய்வு மன்றத்தில் இருந்து கொண்டே பல இலக்கியப் பணிகளைச் செய்யும் உரிமையளித்துப் பெருமைப் படும், நாடாளுமன்ற உறுப்பினர் பெருமைக் குரிய தம்பி சாமி. சகத்ரட்சகன் அவர்கட்கும், நான் ஈடுபடும் இலக்கியப்பணியில் எல்லாம் ஊக்குவிக்கும் ஆங்கில அறிஞர் எம். செகதீசன் அவர்கட்கும் என் சிறப்பான நன்றி
நற்றமிழில் நால்வேதம் நூலின் ஆங்கில மூலம் The Holy Vedas - A Golden Treasury-Bypandit Satyakam Vidyalankar - ஆகும். இதனை மொழி பெயர்ப்பிலும் மூலமொழியோடும் ஒப்பிட்டுத் தருவதிலும் என்னுடன் பெரிதும் ஒத்துழைப்புத் தந்த மும்மொழிவாணர் அறிஞர் பெருந்தகை தி. பூரீநிவாசராஜகோபாலன் அவர்கட்கும், இந்நூல் செப்பமுற தொடக்கநாள் முதல் இறுதி வரை என்னோடு ஒத்துழைத்த மகள் த. சித்திரா எம். எஸ்சி அவர்கட்கும் என் நெஞ்சார்ந்த நன்றி. மொழி நன்றி நன்றியாகாது என்பதறிவேன். என் வாழ்வே அவர்கட்கு நன்றிக்குரியது.
உலக வாய்மொழிப் பேரிலக்கியத்தின் கொடுமுடிச் சுவைப்பாகினை முற்றிலும் தரவில்லை என்றாலும் அடிவாரத்தின் அருவி ஊற்றினைத் தமிழர்க்குத் தரும் பேறு பெற்றமைக்கு மிக்க மகிழ்ச்சி அடைகிறேன். அடுத்து வரும் இந் நூலின் பா வடிவின் பாங்காக அமைந்த ஒரு நூலை
எதிர்திாருங்கள்.
o அன்பன் த. கோவேந்தன்.