76
அரசர் தம் செல்வம் அவர்களை அணுகுபவரே அடைவிர்; அனுபவிப்பர்; எல்லாச் சலுகைகளையும் பெறுவர்; பெண் கூட அவளை அணுகினால் தான் அவள் இன்பம் தருவாள், எதற்கும் கொடுத்து வைத்திருக்க வேண்டும். பெரியவர்களும் அத்தகையவரே. "அவரை நாம் ஏன் மதிக்க வேண்டும்?" "வயது மிக்கவர்கள் வாலிபம் இழந்தவர், நரை திரை இவற்றால் நலிவுற்றவர்கள், கோல் கண்ணாகக் கொண்டு நடைபோடுகிறவர்கள்" என்ற எடை போட்டு "இந்தக் கிழங்கள் முதிர்ந்த பழங்கள். இவர்கள் நமக்குச் சுமை ; இவர்கள் உறவு நமக்குத் தேவை இல்லை" என்று ஒதுங்கி வாழும் இளைய தலைமுறை பல நன்மைகளை இழந்து விடுகின்றனர். அனுபவமும் அறிவும் சான்ற அப் பெரியவர்கள் விலை மதிப்பற்ற செல்வம். இவர்களைப் புறக்கணித்து ஒதுங்கினால் முன்னுக்கு வர முடியாது; ஆண்டியாகவும் அழகிகளை அனுபவிக்க இயலாத அலிகளாவும்தான் வாழ வேண்டி வரும்.
நூல் பல கற்ற ஞான நன்னெறி உடைய பெரியோர்களிடம் கொள்ளும் தொடர்பு தூயது; ஏனைய முரடர்களிடம் கொள்ளு உறவு தீயது; முரடர்கள் அவர்கள் திருடர்கள்; உன் உழைப்பை வருடிக்கொண்டு சமயம் வரும்போது இடறி விழச் செய்வர்; விட்டுப் பிரிந்தால் சுட்டும் கொன்று விடுவர். சேரிடம் அறிந்து சேர்க: நல்லவர் சேர்க்கை நன்மை தரும் பிடிக்காவிட்டால் விலகி விடலாம். தீயவரை விட்டு விலக முடியாது; விலக விட மாட்டார்கள். ஆப்பு முளையில் அகப்பட்ட குரங்கின் கதையாகத்தான் முடியும்.
ஏடு எடுத்து ஏதாவது படித்துக் கொண்டிருந்தால் அஃது உனக்குப் பீடும் பெருமையும் தருகிறது. நாடிய
