இப்பக்கம் மெய்ப்பு பார்க்கப்பட்டுள்ளது
உதடுகள்
பழைய தலைமுறையினர் எழுதிய கவிதைகளையும், சிறந்த கட்டுரைகளையும் தொகுத்து வெளியிட வேண்டும் என்ற எண்ணம், எனக்கு மிக நீண்ட காலமாகவே உண்டு. அந்த எண்ணம் இன்று தான் நிறைவேறியிருக்கிறது.
கவிதைகளைத் தொடுக்கக் கூடிய நான், பிறர் கட்டுரைகளைத் தொகுப்பதிலும் இப்போது ஈடுபட்டுள்ளேன்.
தொடுப்பவன், தன் திறமையை வெளிப்படுத்துகிறான். தொகுப்பவன், பிறர் திறமையை வெளிப்படுத்துகிறான்.
தமிழும் தமிழிலக்கியமும் வளரவேண்டுமானால், தொடுக்கவும் வேண்டும்; பிறர் கருத்துக்களைத் தொகுத்து வெளியிடவும் வேண்டும்.
இப்போது நான் இரண்டாவது காரியத்தைச் செய்திருக்கிறேன்.
