இப்பக்கம் மெய்ப்பு பார்க்கப்படவில்லை
எனது நேரம்.
நினைவுடன் வாழ்வது சிலவேளை - கனவில்
நீந்திடப் போவது பலவேளை
முனைவுடன் வாழ்வது சிலவேளை - துயரம்
மூழ்கிடத் தாழ்வது பலவேளை
நட்பில் திளைப்பது சிலவேளை - தனியே
நலிந்து கிடப்பது பலவேளை
கற்பில்* களிப்பது சிலவேளை - துயரங்
கண்டு களிப்பது பலவேளை
சிரிப்பினில் வாழ்வது சிலபோது - கண்ணிர்
சிந்தித் தேய்வது பலபோது --
நெருப்பினில் காய்வது பலபோது - இன்பம்
நெஞ்சினில் தோய்வது சிலபோது
நல்லன. காண்பது சிலபோது - நாட்டில்
நாணயங் காண்பதுஞ் சிலபோது
அல்லன தோன்றுதல் பலபோது - மண்ணில்
அல்லலுந் தோன்றுதல் பலபோது
கற்பில் -
16
