68
திருக்குறள்
தமிழ் மரபுரை
'இல்ல தரண்' என்றார். உம்மை உயர்வுசிறப்பு. இவ் விரு குறளாலும் வினை மாட்சியின்றி அரண்மாட்சி பயன்படாமை கூறப்பட்டது. 'இல்லை யரண்' என்பது மணக்குடவர் கொண்ட பாடம்.
உறுப்பியலில் அரண்பகுதி முற்றிற்று.
அதி.76- பொருள்செயல்வகை
அதாவது, அரசன் அமைச்சரோடு கூடித் தன் நாட்டை அரணாற் காத்து, தனக்கும் தன் ஆட்சிக்கும் இன்றியமையாத பொருளைத் தன் குடி களிடத்தும் பகைவரிடத்தும் நண்பரிடத்தும் தேடும் வழிகள். இவற்றுள், அரசன் பாதுகாப்பின்கீழ்க் குடிகள் பல்வேறு தொழில் செ-து பொருளீட்டு தலும் அடங்கும்.
751. பொருளல் லவரைப் பொருளாகச் செ-யும்
பொருளல்ல தில்லை பொருள்.
(இ-ரை.) பொருள் அல்லவரை - பிறரால் ஒரு பொருளாக மதிக்கப் படாதவரையும்; பொருளாகச் செ-யும் பொருள் அல்லது - மதிக்கப்படச் செ-யும் செல்வத்தையல்லாமல்; பொருள் இல்லை - சிறந்த பொருளொன்று இவ் வுலகத்தில் இல்லை.
மதிக்கப்படாதவர் கல்லாதார், இழிதொழிலார், உறுப்பறையர், ஒழுக்கமில்லார், நோயாளியர், இளஞ்சிறார் முதலியோர். மதிக்கப்படுவாராகச் செ-தலாவது கற்றோரும் அரசனுட்பட்ட அதிகாரிகளும் அவருதவியை நாடச்செ-தல். இழிவுசிறப்பும்மை தொக்கது. இதில் வந்துள்ள அணி சொற் பொருட் பின்வருநிலை. பொருட்பின் வருநிலை வரையறைப்பட்டது.
752. இல்லாரை யெல்லாரு மெள்ளுவர் செல்வரை
யெல்லாருஞ் செ-வர் சிறப்பு.
(இ-ரை.) இல்லாரை எல்லாரும் எள்ளுவர் - மற்றெல்லா நலமுடைய ராயினும் செல்வமில்லாதவரைத் தாயுட்பட எல்லாரும் தாழ்வாகக் கருதுவர்; செல்வரை எல்லாரும் சிறப்புச் செ-வர் - வேறொரு நலமும் இல்லாத வராயினும் செல்வமுடையாரை அரசனுட்பட எல்லாரும் மதித்துப் போற்றுவர்.
எள்ளுதலாவது பார்த்தலும் உரையாடுதலுஞ் செ-யாமை. சிறப்புச் செ-தலாவது அரசன் பட்டமளித்தலும், அரசனும் பெற்றோருந் தவிர
