சொற்பொரு ளாராய்ச்சி
ஏராளம்: ஏர் = கலப்பை. ஆள் + அம் = ஆளம்
ஏராளம்
=
=
59
ஆளின் தன்மை. உழவன் வருவாய்போல் மிகுதியாயிருத்தல். உழவன் நேரடியாயும் மிகுதியாயும் உணவுப்பொருளை விளைவித்தலின் பொருள்
மிகுதி வேளாண்மை செய்து செய்து வேளாளனாயினன்.
ஏராளமெனப்பட்டது. அம் மிகுதியினாலேயே உழவன் வேளாள னென்பான்
விருந்திருக்க உண்ணாதான்”. (திரிகடு. 12)
6.
தாராளம்: தார் = சேனை. ஆளம் = தன்மை. தாராளம் = படைமறவர் போல், விருப்பம் போலப் பிறர் பொருளைக் கையாடுதல் அல்லது வழங்கல். இன்றும் படைமறவர் பிறர்பொருளை மனம்போற் பயன் படுத்தலும் கொள்ளை யடித்தலும் காண்க.
சிங்கியடித்தல்: சிங்கி = தாளம். அடித்தல் = தட்டுதல். சிங்கி யடித்தல் இரப்போன் தாளம் தட்டி இரப்பதுபோல் திண்டாடுதல்.
தாளக்கருவியை உருவக(ரூபக) தாளத்தில் தட்டினால் சிங்சீயான் என்ற ஒலியெழும். இதனால், தாளக்கருவிக்குச் சிங்கியென்றும் சீயான் என்றும் இருபெயருண்டு.
தாயமாடல்: தாய் + அம் = தாயம் = தாயினின்று பெறும் உரிமை. ஆடல் = விளையாடல். தாயமாடல் = சீட்டுப் போடுவதுபோல் முத்தும் பலகறையும் போட்டு உடன்பிறந்தார் பாகம் பிரித்தல்; முத்தினாலும் பலகறையாலும் விளையாடிப் பிறர் உரிமையைப் பெறுதல் அல்லது பறித்தல்; தாயமாடிக் காலத்தை வீண்போக்குவதுபோல் வேலை செய்யாமற் காலங் கழித்தல் அல்லது தாழ்த்தல்; 'வேலை தாயமாடுகிறது' என்னும் வழக்கை நோக்குக.
=
||
மினுக்கிடுதல்: >மினக்கிடுதல் மெனக்கிடுதல், மினுக்கிடுதல் அலங்கரித்தல். அலங்காரத்திலேயே கருத்தாயிருந்து வேலையைக் கை நெகிழவிடல். ‘வேலை மினக்கிடுதல்' என்னும் வழக்கையும் ‘தேவடியாள் சிங்காரிக்குமுன் தேர் நிலைக்கு வந்துவிட்டது' என்னும் பழமொழியையும் நோக்குக.
"செந்தமிழ்ச் செல்வி" சுறவம் 1943
