புலியூர்க் கேசிகன்
229
அறிவும், எண்ண எண்ணப் பெருவியப்பாக விளங்குகின்றன. ஆகவே, தன் ஆட்சி செல்லாத இடத்திலுள்ள சான்றோன் நெஞ்சிலும் இடம்பெற்ற, பெரும்புகழை உடையவனான பெரியோனை இழந்த இச் சோழ தேசம், எவ்வாறு துன்பங்களுக்கு இரையாகுமோ? அதுவே இரக்கத்தைத் தருகின்றது:
சொற்பொருள்: 1. மருட்கை - வியப்பு. 4. தோற்றம் சான்ற விளக்கம் அமைந்த.5. இசைமரபாக புகழ் மேம்பாடாக கந்துஆக - பற்றுக்கோடாக 6. காலை - இன்னாக் காலத்து. 8. அது பழுது இன்றி - அவன் சொல்லிய சொல் பழுது இன்றாக, 9. வியப்பு இறந்தன்று - வியப்பு செயலற்றது. 1. தொன்று - பழைய 13. என் ஆவது கொல் - இடும்பையுறுங்கொல்லோ? அளியது தானே - அதுதான் இரங்கத்தக்கது.
218. சான்றோர் சாலார் இயல்புகள்!
பாடியவர்: கண்ணகனார், நத்தத்தனார் எனவும் பாடம். திணை: பொதுவியல். துறை: கையறு நிலை. குறிப்பு: பிசிராந்தையார் வடக்கிருந்தார்; அதனைக் கண்டு பாடியது.
('சான்றோர் சான்றோர் பாலர் ஆப என்று கூறினும், அவர் தம் சாவுக்கு இரங்கியமையே கருத்தாகலின், கையறு நிலை ஆயிற்று) r
பொன்னும், துகிரும், முத்தும், மன்னிய மாமலை பயந்த காமரு மணியும், இடைபடச் சேய ஆயினும், தொடை புணர்ந்து, அருவிலை நன்கலம் அமைக்கும் காலை, ஒருவழித் தோன்றியாங்கு - என்றும் சான்றோர்
சான்றோர் பாலர் ஆப; சாலார் சாலார் பாலர் ஆகுபவே.
பொன், பவளம், முத்து, மணி என்பன ஒவ்வொன்றும் வேறுவேறு தொலைவிடங்களிலேயே கிடைப்பன. ஆயினும் ஒன்றாகத் தொடுத்துக் கோவையாக்கும்போது ஓரிடத்திலே அணியாகிச் சிறப்படையும். அதுபோலவே சான்றோர், சான்றோர் பக்கமே சேர்வர்; சால்பில்லாதார் பக்கமே சால் பில்லாதார் சேர்வர். இதுவே உலகத்து இயல்பு. அதனையே இங்கும் கண்டோம். .
சொற்பொருள்: 1. மன்னிய-நிலைபெற்ற.2. காமரு விரும்பத் தக்க, 3. இடைபட ஒன்றற்கொன்று இடைநிலம்பட 7. சாலார் - அறிவொழுக்கமின்மையான் அமைதியில்லாதார். சாலார் பாலர் - அமைதியில்லாதார் பக்கத்தார்.
