56
மேலே காணும் வெற்றிச் சாதனைகளின் பட்டியலைப் பாருங்கள். ஆண்களின் சாதனைகளை விட பெண்களின் சாதனைகள் அதிக தூரமோ அதிக நேரமோ இல்லை. எட்டியும் ஒட்டியும் தான் இருக்கின்றார்கள்.
சாதனைகளைப் பார்க்கும் பொழுது, ஆண்களின் சாதனை உயர்ந்த அளவில் இருக்கலாம். ஆனால் இன்னும் குறுகிய காலத்தில், இப்பொழுது இருக்கும் சாதனை இடைவெளி இன்னும் குறையும். ஏனெனில் பெண்களின் சாதனைகளின் வேகம் என்றும் குறையவில்லை. நாளுக்கு நாள் உயர்ந்து கொண்டேதான் வருகிறது. அதாவது பலவீனப்பட்ட இனம் என்று வருணிக்கப்படும் பெண்ணினம்தான், வலிமையான இனம் என்று புகழ்படும் ஆண் இனத்தின் சாதனைகளை மிஞ்சும் வகையில் அடிக்கடி மாற்றி எழுத வைக்கிறது. உலக சாதனைகளின் உச்ச வரம்பும் உயர்ந்து கொண்டே போகிறது.
உதாரணத்திற்கு சில கருத்துக்களை இங்கே காண்போம்.
1928ம் ஆண்டு 100 மீட்டர் ஓட்டத்தில் இருந்த ஆண்களின் சாதனையைவிட இன்றைய சாதனை 0.7 வினாடிகள்தான் குறைந்திருக்கின்றன. ஆனால் பெண்களின் ஓட்டச் சாதனை 1 நிமிடம் 2 வினாடிகள் குறைந்திருக்கின்றன. பெண்ணிகளின் வேகம் பெரிதுதான்.
