கி.வீரமணி 53 'மகாபாரத சூடாமணி' என்னும் நூலில் (ஆசிரியர் சங்கீத கலாநிதி முடிகொண்டான் வெங்கட்ராமய்யர் மற்றும் ஆர். விசுவநாதய்யர்) சங்கீதாதி ராக மேள லட்சணம் என்னும் நான்காம் பகுதியில் கீழ்க்கண்டவாறு கூறப்பட்டுள்ளது. வம்சம் நான்கு சட்சமத்திமகாந் தாரம் தாமவை மூன்றும் தேவர்; சுத்தபஞ் சமம்பி துர்க்கள்; சொல்லிய ரிஷபம் தெய்வம்; உத்த ரிஷிக ளாகும்; மவுலி ராக்ஷதர் நிஷாதம்; எத்தலத் தோறும் சொல்லு மிலக்கணம் ஈதா மன்றே. (இ-ள்). சட்சம், மத்திமம்,காந்தாரம் இம்மூன்றும் தேவர்; பஞ்சமம் பிதுரர்; ரிஷபம், தைவதம் ரிஷிகள்; நிஷாதம் இராக்ஷதர் வம்சங்களாம் (எ-று). மவுலிராக்ஷதர் - கிரீடம் தரித்த அரக்கர். ஜாதி நான்கு அந்தணன் சட்சமத் திமமான பஞ்சமே சாதி; தந்ததைவ முந்தானே ரிஷபஞ் சத்திரிய னாகும்; முந்துகாந் தாரநிஷாத மொழிந்திடில் வைசிய னாகும்; சிந்தைசே ரந்தரகா கலிகள் சூத்திர னாமே. (இ-ள்). சட்சம், மத்திமம், பஞ்சமம் இம்மூன்றும் பிராமண ஜாதி. தைவதம்,ரிஷபம் இவ்விரண்டும் க்ஷத்திரிய ஜாதி. காந்தாரம், நிஷாதம் இவ்விரண்டும் வைசிய ஜாதி. அந்தரகாகலி ஸ்வரங்கள், சூத்திர ஜாதியாகும் (எ-று). இப்படி இசையில்கூட வருணை வேறுபாடு சாதி வேறுபாடு புகுத்தப்பட்டுள்ளது என்றால், தன்மானமுள்ள யார்தான் பொறுத்துக் கொள்ள முடியும்? இதில் மொழி பிரச்சினை மட்டுமல்ல; இழிவுப் பிரச்சினையும் புகுந்து கொண்டிருக்கிறது என்கிறபோது தந்தை பெரியாருக்கு கோபம் ஏற்பட்டதில் எள் மூக்கு முனையளவும் தவறுகாண முடியுமா? சாதி
