பக்கம்:பேசும் ஓவியங்கள்.pdf/17

விக்கிமூலம் இல் இருந்து
Jump to navigation Jump to search
இந்த பக்கம் மெய்ப்பு பார்க்கப்பட்டுள்ளது


முத்தம்


தேனாரிசைச் தமிழைத்தரு
திருவாழ் இளங்குதலை
தித்தித்திடும் கனிவாயிதழ்
திளைக்கத் தரும் முத்தம்!
ஊனாரிசை உயிரும் உள
உணர்வும் எழிற் கனவும்
உணர்ச்சிப் புயலாகி இதழ்
தென்றல் கமழ் முத்தம்!
வானாரிசை குளிர் திங்களில்
செவ்வாய் மலர்ந் தினித்தே
வந்தென்மடி நகையாடியே
வழங்கும் கனி முத்தம்!
நானார், அவள் யாராமென
எண்ணாதுயிர் ஒன்றும்
நட்பின்மனப் கோப்பாக இதழ்
நான்கின்திணி முத்தம்!
ஆனாதுழல் காலம் செலும்
இளமை செலும் ஆனால்
அன்பின் அணைப் பிணிப்பை நிலை
அச்சாக்கிடும் முத்தம் !
தானார்ந்திசைப் பொன்னிப்புனல்
தழுவத்தளிர் புலம் போல்
தன்னேரிலா வாழ்வின் சுவை
தருமால் இதழ் முத்தம்!