52 வித்தன்
மண்குடிசை எங்கே? அந்த வீட்டுக்கும் இந்த வீட்டுக்கும் தான் எத்தனை வகைகளில் வித்தியாசம்?
ஆனால்...
அந்தப் பெரிய பெரிய வீட்டிலே இல்லாத ஏதோ ஒன்று, இந்தச் சின்னச் சின்ன வீட்டிலே இருப்பது போலிருந்தது, அவளுக்கு.
சந்தர்ப்பத்துக்கு ஏற்றார்போல் அது வளரவில்லை; தேயவில்லை; வாழவில்லை; சாகவும் இல்லை. புத்துயிரெடுத்து, புது மணம் வீசி, புதுப் பொலிவு காட்டவுமில்லை; உலர்ந்து, கருகி, உதிர்ந்து, மறைந்து மண்ணோடு மண்ணாகிப் போய்விடவும் இல்லை!
எப்பொழுதும் ஒரே நிலையில், ஒரே அளவில் அது இருப்பதுபோலிருந்தது; வாழ்வது போலிருந்தது உதட்டை உறைவிடமாகக் கொள்ளாமல், உள்ளத்தை மட்டுமே உறைவிடமாகக் கொண்டு!
ஆனால்...
அதன் பெயர் என்னவென்றும் அவனுக்குத் தெரியவில்லை; அதன் பொருள் என்ன வென்றும் அவனுக்குப் புரியவில்லை - தெரியாவிட்டால் என்ன, புரியாவிட்டால் என்ன? - அதுவே அவனாகவும், அவனே அதுவாகவும் இருக்கும்போது?
வந்த ஒரு மணி நேரத்துக்கெல்லாம் இவையனைத் தையும் தெரிந்துகொண்டுவிட்ட நறுமணம் வானத்தை நோக்கினாள்; நோக்கி...
ஒ, அன்பே என் அன்புள்ள அன்பே மனிதர்கள் தான் உருவத்தில் ஒருவராக இருந்தாலும் உள்ளத்திலே இருவராக இருக்கிறார்களென்றால், நீயுமா சொல்லில் ஒற்றையாயிருந்து செயலில் இரட்டையாக இருக்கிறாய்?
