தமிழகச் சமயங்கள்
-
சமணம்
111
யுள்ளார். சம்பந்தர் இங்கு வந்தபோது இங்கிருந்த சமணர் துரத்தப்பட்டனர் என்று இவ்வூர் ஐதீகம் கூறுகிறது." இங்குள்ள ஆதி பட்டாரகர் கோயில் இப்போது கிலமாய்க் கிடக்கிறது. இவ்வூரிலிருந்த சமண தீர்த்தங்கரரின் கல்சிலை ஒன்று என் நண்பர் ஒருவர்க்குக் கிடைத்திருக்கிறது.
ஆர்ப்பாக்கம்:
மாகறலுக்கு ஒரு மைலில் உள்ளது. ஆரியப்பெரும்பாக்கம் என்பது இதன் சரியான பெயர். இங்கு ஆதிநாதர் கோயில் உள்ளது.12 விஷார்:
·
இதுவும் மாகறலுக்கு அருகில் உள்ள ஊர். இங்கும் சிதைந்து போன சமணத் திருவுருவங்கள் காணப்ப டுகின்றன.
குன்னத்தூர்:
(ஸ்ரீபெரும்புதூர்த் தாலுகா): இங்குள்ள திருநாகேஸ்வரர் கோயிலில் உள்ள சாசனம் பெரியநாட்டுப் பெரும்பள்ளி என்னும் பள்ளியைக் கூறுகிறது. இது சமணப் பள்ளியாக இருக்கக்கூடும். இந்தத் தாலுகாவில் அம்மணம் பாக்கம் என்னும் இனாம் கிராமம் ஒன்று உண்டு. இப்பெயர்கள் இங்குச் சமணர் இருந்ததைக் குறிக்கின்றன.
கீரைப்பாக்கம்:
ம்
(செங்கல்பட்டுத் தாலுகா): இவ்வூர் ஏரிக்கருகில் உள்ள கற்பாறையில் உள்ள சாசனம் கி.பி.9 ஆம் நூற்றாண்டில் எழுதப்பட்டது. கீரைப் பாக்கத்துக்கு வடக்கே தேசவல்லப ஜினாலயம் என்னும் சமணக் கோயிலைக் குமிழிகணத்து யாபனீய சங்கத்தைச் சேர்ந்த மகா வீரகுருவின் மாணாக்கர் அமரமுதல் குரு கட்டினார் என்றும், சமண சங்கத்தாரை உண்பிக்கக் கட்டளை ஏற்படுத்தினார் என்றும் இந்தச் சாசனம் கூறுகின்றது.
திருப்பருத்திக்குன்றம்:
13
ஜினகாஞ்சி என்பது இதுவே. இங்கு எழுந்தருளியுள்ள அருகக் கடவுளுக்குத் திரைலோக்கிய நாதர் என்றும், திருப்பருத்திக் குன்றாழ்வார் என்றும் சாசனங் களில் பெயர் கூறப்படுகின்றன. மல்லி சேனவாமனாசாரியார் மாணவர் பரவாதிமல்லர் புஷ்ப சேனவா மனாரியர் என்னும் முனிவர் இக்கோயில் கோபுரத்தைக் கட்டினார்
