இப்பக்கம் மெய்ப்பு பார்க்கப்படவில்லை
279
மறைமலையடிகளைப் போற்றிடுவோம்
(எடுப்பு)
மறைமலை யடிகளைப் போற்றிடுவோம் - அவர் வழங்கிய உணர்ச்சியை ஏற்றிடுவோம்!-மறைமலை
(தொடுப்பு)
நிறைகுடம் எனும்புகழ் அறிவாளர்--அவர் நிகரிலாத் தனித்தமிழ் நெறியாளர்--மறைமலை
(முடிப்பு)
செந்தமிழ் இயக்கத் தந்தையவர்--என்றும்
சிவநெறி மறவாச் சிந்தையினர்;
சிந்தனைக் களஞ்சியம் எனநூல்கள்--பல தீட்டிய செழுந்தமிழ் முனிவரவர்--மறைமலை
சாகுந்தலந்தனைத் தமிழாக்கி--அவர் சாகாப் புகழினை ஏந்தியவர்
பாகும் தேனும் இணங்கிவரத்--தமிழ்ப் பண்குரல் விரிவுரை வழங்கியவர்--மறைமலை
ஆயிரம் ஆயிரம் நூல்களையே -- நன்கு
ஆய்ந்தவர் அவரோர் நூலகமே
தூயவர் பெயரால் நூலகமும்--நன்கு
துலங்கும் பெருமை சென்னையிலே--மறைமலை
முத்துமுத் தாம்அவர் கையெழுத்து; மிக
முதிர்ந்த வயிரம் அவர்கருத்து,