இப்பக்கம் சரிபார்க்கப்பட்டது.
குயில்கூவும் காலமதில்
கூடியவர் போகையிலே-
மயில் போன்ற பெண்ணணங்கும்
மதன் போன்ற காளையுமாய்க்
(குயில்கூவும்)
பொன்மஞ்சள் கதிர்களெங்கும்
பூமிதனிற் படர்ந்திருக்க
மின்வண்ண மெல்லிதனை
மெதுவா யணைத்தவனும்
இன்ப வெள்ளம் நீந்திமிக
எழிலாகத் தனிவழியே
(குயில்கூவும்)
செஞ்சொலிள மைனாவும்
செங்கண் சிறைச் செம்போத்தும்
கொஞ்சிக்கொஞ்சித் துணைகூவும்
கோலமொழி கேட்கவில்லை.
வஞ்சியவள் அன்பொழுகும்
வார்த்தை செவி நிறைந்திருந்தான்
(குயில்கூவும்)
61
