இப்பக்கம் சரிபார்க்கப்பட்டது.
132
விந்தன் கதைகள்
இந்தச் சம்பவம் டாக்டர் ரங்கராவின் நினைவுக்கு வந்ததும் அவருடைய உள்ளம் பதைத்தது; நியாயத்துக்கு விரோதமாகத் தம்முடைய தீர்ப்பில் ‘இயற்கை மரணம்’ என்று எழுதும்போது அவருடைய மனச்சாட்சி அவரை வதைத்தது.
அந்த வேதனையுடன் அவர் யந்திரம்போல் தம்முடைய வேலைகளை அன்று எப்படியோ கவனித்து விட்டு வீடு திரும்பினார்.
அன்றிரவு அடாத மழை பெய்தது. முன்னிரவு நடந்ததுபோல் அன்றிரவும் இரண்டொரு நடை பாதைவாசிகள் வந்து அவருடைய வீட்டுக் கதவை இடித்தனர்.
என்ன விந்தை இது இன்று அவருக்கு ஆத்திரம் பொத்துக் கொண்டு வரவில்லை; அமைதியுடன் எழுந்து வந்தார்.
அடுத்த நிமிஷம்......... கதவு திறந்தது!
