பாச்சோறு, குழந்தைப்பாடல்கள்/ஆசை

பாச்சோறு, குழந்தைப்பாடல்கள் ஆசிரியர் பாவலரேறு பெருஞ்சித்திரனார்
ஆசை

ஆசை

பாப்பா வுக்குப் பால் குடிக்கக்
கொள்ளை ஆசை - எங்கள்
பாட்டிக் கென்றும் கதை சொல்லக்
கொள்ளை ஆசை

அம்மா வுக்குப் புடவை மேலே
கொள்ளை ஆசை - எங்கள்
அப்பா வுக்கு மீசை மேலே
கொள்ளை ஆசை

தாத்தா வுக்குப் பேரன் மேலே
கொள்ளை ஆசை - இந்தத்
தங்கைக் கென்றும் பாட்டுப் பாடக்
கொள்ளை ஆசை