மதுர கவிராயர் தனிப்பாடல்கள்

பாடலுக்குக் குறிப்புரை – செங்கைப் பொதுவன்

பாடல் 1

வெண்பா

துங்கவரை மார்பா துரைரங்க பூபதியே

இங்கோர் புதுமை யியம்பக்கேள்- பங்கயக்கை

ஆயிழைக்கு நான்குநுதல் ஐந்துகுழை யாறுமுலை

மாயவிழி யேழா மதி. (1)

அந்தி வெடிமுல்லை அரும்பெடுத்து நான்வந்தேன்

விந்தையதா நாயகற்கு மெல்லியலே- சுந்தரஞ்சேர்

செண்டுகட்ட வேண்டுந் திருவிளக்கிலே திரியைக்

கொண்டுவந்து போட்டுக் கொளுத்து. (2)

சித்திர மாமண்டபங்கள் தென்றல்வரு சாளரங்கள்

பத்தி யுலாவும் பளிக்கறைகள்- இத்தனைவிட்

டிக்குச் சிலையான் இருப்பிடமென்றார் சொன்னா

ரிக்குச் சிலையானுக் கின்று. (3)

நீளத்திரிந்து உழன்றாய் நீங்கா நிழல்போலே

நாளைக்கு இருப்பாயோ நல்குரவே- காளத்தி

நின்றைக்கே சென்றக்கானீ யெங்கே நானெங்கே

இன்றைக்கே சற்றே யிரு. (4)

விருத்தம்

உலங்கொண்ட மணிப்புயனே பிரம்பூரான் அந்தரங்கா உன்பாற் செல்ல

வலங்கொண்ட கருடனையாம் இடங்கண்டோம் எழினரையான் வனத்தே கண்டோம்

பொலங்கொண்ட மணிமாட மீமிசையில் புயறவரும் புதுமை யென்னும்

தலங்கண்டோ நினதுநகை முகங்கண்டோம் இனிவேண்டுந் தனங்கண்டோமே. (5)