மலரும் உள்ளம்-1/கிளியே
பையன்—கிளியே, கிளியே, உன்னுடன்
கிளம்பி வரவா நானுமே?
கிளி—இறக்கை உனக்கு இல்லையே!
எப்ப டித்தான் பறப்பதோ?
பையன்—இறக்கை நீதான் கொண்டுவா;.
இன்றே சேர்ந்து பறக்கலாம்.
கிளி—பழங்கள் தாமே தின்னலாம்.
பட்ச ணங்கள் இல்லையே!
பையன்—பட்ச ணங்கள் வாங்கவே
பணமும் கொண்டு வருவேனே.
கிளி—பணத்தை எந்த இடத்திலே
பாது காத்து வைப்பதோ?
பையன்— பணத்தைச் சிறகி னுள்ளேயே
பாது காத்து வைப்பேனே.
கிளி—பறக்கும் போது, ஐயையோ,
பணம் விழுந்து போகுமே!