விவேகசிந்தாமணி 61-80
விவேகசிந்தாமணி
[தொகு]பாடல்: 61 (தாய்பகை)
[தொகு]- தாய்பகை யன்புஅற் றாளேல் தந்தைபகை கடனாளி யானால்
- பேய்பகை மனைவி நல்ல மதியினை யிழந்தா ளாகில்
- வாய்பகை யறிவுண் டாக்கு மறநூலைக் கல்லா விட்டால்
- சேய்பகை சிறுமைக் காகுஞ் செந்நெறி யொழுகா விட்டால்.
பாடல்: 62 (நிலைதளர்ந்திட்ட)
[தொகு]- நிலைதளர்ந் திட்ட போது நீணிலத் துறவு மில்லை ??
- சலமிருந் தகன்ற போது தாமரைக் கருக்கன் கூற்றம்
- பலவன மெரியும் போது பற்றுதீக் குறவாங் காற்றே
- மெலியுறு விளக்கே யாகில் மாறியே வாகுங் கூற்றம்.
பாடல்: 63 (மடுத்த)
[தொகு]- மடுத்த பாவாணர் தக்கோர் மறையவ ரிரப்போர்க் கெல்லாம்
- கொடுத்தெவர் வறுமை யுற்றார் கொடாது வாழ்ந்த வரியார் மண்மேல்
- எடுத்து நாடுண்ட நீருமெ டாதகாட் டகத்து நீரும்
- அடுத்த கோடையிலே வற்றி யல்லதில் பெருகுந் தானே.
பாடல்: 64 (உணங்கியொருகால்)
[தொகு]- உணங்கி யொருகால் முடமாகி யொருகண் ணின்றிச் செவியிழந்து
- வணங்கி நெடுவா லறுப்புண்டு மன்னு முதுகில் வயிறொட்டி
- அணங்கு நலிய மூப்பெய்தி யகல்வா யோடு கழுத்தேந்தி
- சுணங்கன் முடுவல் பின்சென்றால் யாரைக் காமன் துயர்செய்யான்.
பாடல்: 65 (கல்மனப்பார்ப்பார்)
[தொகு]- கல்மனப் பார்ப்பார் தம்மைப் படைத்துக் காகத்தை யென்செயப் படைத்தான்
- துன்மதி வணிகர் தம்மைப் படைத்துச் சோரரை யென்செயப் படைத்தான்
- வன்மன வடுகர் தம்மைப் படைத்து வானரம் என்செயப் படைத்தான்
- நன்மனை தோறும் பெண்ணைப் படைத்து நமனையு மென்செயப் படைத்தானோ.
பாடல்: 66 (கொண்டுவிண்)
[தொகு]- கொண்டு விண்படர் கருடன்வாய் கொடுவரி நாகம்
- விண்ட நாகத்தின் வாயினில் வெகுண்டவன் தேரை
- மண்டு தேரையின் வாயினி லகப்படு வண்டு
- பண்டு தேனுக ரின்பமே மானிட ரின்பம்.
பாடல்: 67 (கற்பூரப்)
[தொகு]- கற்பூரப் பாத்திகட்டிக் கத்தூரி யெருப்போட்டுக் கமழ்நீர் பாய்ச்சிப்
- பொற்பூர வுள்ளியினை விதைத்தாலு மதன்குணத்தைப் பொருந்தக் காட்டும்
- சொற்பேதை யருக்கறிவிங் கினிதாக வருமென்றே சொல்லி னாலும்
- நற்போதம் வாராதங் கவர்குணமே மேலாகி நடக்குந் தானே.
பாடல்: 68 (மருவுசந்தனக்)
[தொகு]- மருவு சந்தனக் குழம்பொடு நல்லணி நலம்பெற வணிந்தாலும்
- சருவ சந்தேக மனமுள மாதரைத் தழுவலு மாகாதே
- பருவ தங்கள்போல் பலப்பல நவமணிப் பைம்பொனைத் தந்தாலும்
- கருவ மிஞ்சிய மானிடர் தோழமை கிட்டினுங் கூடாதே.
பாடல்: 69 (தன்னைத்தான்)
[தொகு]- தன்னைத்தான் புகழ்வோரும் தன்குலமே பெரிதெனவே தான்சொல் வோரும்
- பொன்னைத்தான் தேடியறம் புரியாம லவைகாத்துப் பொன்றி னோரும்
- மின்னலைப்போல் மனையாளை வீட்டில் வைத்து மினுக்கிசுகம் விரும்பு வோரும்
- அன்னைபிதா பாவலரைப் பகைக்கும் பேரு மறிவிலாக் கசட ராமே.
பாடல்: 70 (பெண்டுசொல்)
[தொகு]- பெண்டுசொல் கேட்கின்ற பேயர்களே குணமூடப் பேடி யாவார்
- முண்டைகளுக் கிணையில்லார் முனைவீர புருடரென மொழியொ ணாது
- மண்ணுலக முதிப்பாருள் கீர்த்தியற மின்னதென வுணர்த லில்லார்
- அண்டினவர் தமைக்கெடுப் பாரழிவழக்கே சொல்வத வரறிவு தானே.
பாடல்: 71 (வில்லதுவளைந்)
[தொகு]- வில்லது வளைந்த தென்றும் வேழந்தா னுறங்கிற் றென்றும்
- வல்லியம் பதுங்கிற் றென்றும் வளர்கடா பிந்திற் றென்றும்
- புல்லர்தம் சொல்லுக் கஞ்சிப் பொறுத்தனர் பெரியோ ரென்றும்
- நல்லதென் றிருக்க வேண்டா நஞ்செனக் கருத லாமே.
பாடல்: 72 (நிலமதில்)
[தொகு]- நிலமதிற் குணவான் றோன்றி ணீள்குடித் தனரும் வாழ்வர்
- தலமெலாம் வாசம் வீசுஞ் சந்தன மரத்துக் கொப்பாம்
- நலமிலாக் கயவன் றோன்றி னக்குடி தேசம் பாழாம்
- குலமெலாம் வெட்டிச் சாய்க்குங் கோடரிக் காம்பு போலாம்.
பாடல்: 73 (அருமையும்)
[தொகு]- அருமையும் பெருமை தானு மறிந்துடன் படுவர் தம்மால்
- இருமையு மொருமை யாகி யின்புறற் கேது வுண்டாம்
- பரிவிலாச் சகுனி போலப் பண்புகெட் டவர்கள் நட்பால்
- சிறுமையில் நரக மெய்து மேதுவே யாகு மன்னோ.
பாடல்: 74 (ஒருவனே)
[தொகு]- ஒருவனே யிரண்டு தோற்ற மூன்பொதி யாகத் தோன்றும்
- உருவமே யொன்றென் றாகு மருவமாய்ப் புகழென் றாகும்
- மருவிய யாக்கை யிங்கே மாய்ந்திடு மற்று மாண்பு
- திறமதா யுலக மேற்றச் சிறந்துபின் னிற்கு மன்றே.
பாடல்: 75 (வேலியானது)
[தொகு]- வேலி யானது பயிரை மேய்ந்தால்
- கால னானவ னுயிரைக் கவர்ந்தால்
- ஆல மன்னையர் பாலர்க் கருத்தினால்
- மேலிட வோர்ந்திதை யார்கொலோ விலக்குவர்.
பாடல்: 76 (அறம்கெடும்)
[தொகு]- அறங்கெடும் நிதியுங் குன்று மாவியு மழியு மியாக்கை
- நிறங்கெடும் மதியும் போகி நீண்டதோர் நரகிற் சேர்க்கும்
- மறங்கெடு மறையோர் மன்னர் வணிகர்நல் உழவோரென்னுங்
- குலங்கெடும் வேசி மாதைக் குலவிட விரும்பு வோர்க்கே.
பாடல்: 77 (காமமே)
[தொகு]- காமமே குலத்தினையு நலத்தினையுங் கெடுக்க வந்த களங்கம்
- காமமே தரித்திரங்க ளனைத்தையுந் தங்க வைக்குங் கடாரம்
- காமமே பரகதிக்குச் சென்றிடாது வழியடைக்குங் கபாடங்
- காமமே யனைவரையும் பகையாக்கிக் கழுத்தரியும் கத்தி யாமே.
பாடல்: 78 (அறங்கெடும்)
[தொகு]- அறங்கெடும் நிதியங் குன்று மாவியு மழியு மியாக்கை
- நிறங்கெடும் மதியும் போகி நீண்டதோர் நரகிற் சேர்க்கும்
- மறங்கெடு மறையோர் மன்னர் வணிகர்நல் லுழவோ ரென்னுங்
- குலங்கெடும் வேசி மாதைக் குலவிட விரும்பு வோர்க்கே.
பாடல்: 79 (காமமே)
[தொகு]- காமமே குலத்தினையு நலத்தினையுங் கெடுக்கவந்த களங்கங்
- காமமே தரித்திரங்க ளனைத்தையுந் தங்கவைக்குங் கடாரங்
- காமமே பரகதிக்குச் சென்றிடாது வழியடைக்குங் கபாடங்
- காமமே யனைவரையும் பகையாக்கிக் கழுத்தரியுங் கத்தியாமே.
பாடல்: 80 (கல்லாத)
[தொகு]- கல்லாத மாந்தரையுங் கடுங்கோப மன்னரையுஞ் சாலத் தேர்ந்து
- சொல்லாத வமைச்சரையுஞ் சுகந்தராத் தேவரையுஞ் சுருதி நூலில்
- வல்லாத வந்த ணரையும் வரிந்தானுட னெந்நாளும் வலதுபேசி
- நல்லாள்போ லருகிருக்கும் மனைவியையு மொருநாளும் நம்பொணாதே.
- பார்க்க