25
ஒரே பெண்ணையோ, ஒரே 'பஸ்'ஸையோ தொடர்ந்து ஓட வேண்டாம், பின்னால் வேறு கிடைக்கும். -இத்தாலி
காதலிக்கும் காலத்தில் ஜூபிடரும் கழுதையாவார்.
-லத்தீன்
[ஜூபிடர்-தேவர்களின் அதிபதியான கடவுள். கிரீஸில் இவரை 'சீயஸ்' என்பர்.]
பழைய காதல் ஒரு சிறைச்சாலை. -( ,, )
காதலின் தூதுவர்கள் கண்கள். - லத்தீன்
காதலிலே தோன்றும் கோபம் போலியானது. -( ,, )
காதலர் கோபம் காதலுக்குப் புத்துயிர். -கிரீஸ்
இருவரைக் காதலிக்கும் ஒரு பெண் இருவரையும் ஏமாற்றுவாள். - போர்ச்சுக்கல்
செம்பு நாணயம் துருப்பிடித்த காதலுக்குத்தான் சரி.
-ரஷ்யா
காதல் ஒரு வளையம், வளையத்திற்கு முடிவே கிடையாது.
-( ,, )
ஒருவன் மீது காதல் தோன்றி விட்டால், அவன் குளிக்காமலிருக்கும் பொழுதே, வெண்மையாகத் தோன்றுவான். -( ,, )
ஒருத்தி இனிமையா யிருக்கிறாள் என்பதற்காகக் காதலிக்க வேண்டாம், வயதாகிவிட்டது என்பதற்காக அவளைத் தள்ளவும் வேண்டாம். -( ,, )
பஞ்சை நேசிப்பது போல் என்னை நேசி; நூல் அதிக மென்மையாகும் பொழுது அதிகப் பஞ்சை விட்டும், நூல் அறுந்தவுடன் ஒட்டியும் ஆதரவு காட்டுவது போல, என்னை வைத்துக் கொள்ளவும். -ஆப்பிரிகா
அவசரக் காதல் சீக்கிரம் சூடாகி, சீக்கிரம் குளிந்து விடும். -இங்கிலாந்து
அரசர், கெய்ஸர், பிரபு, சட்டங்கள் ஆகிய அனைத்திற்கும் மேற்போனது காதல். -( ,, )
காதல்தான் காதலுக்குப் பரிசு. -( ,, )