குழந்தைகளுக்கான உடற்பயிற்சியும் விளையாட்டும்
65
இவ்வாறு இரண்டுமுறை, தலை மீது கை வைத்துக்கொண்டு தலைவர் உட்கார்ந்து கொண்டு தப்பித்து விடலாம்.
மூன்றாவது முறை, இப்படி தலை மீது கை வைத்துத் தப்பிக்க முயல்கிற பொழுது, அவர் ஆட்டம் இழந்து விடுகிறார்.
பிறகு புதிய தலைவரையும், புதிய தொண்டர்களையும் தேர்ந்தெடுத்தவுடன், ஆட்டம் மீண்டும் தொடரும்.
4.5 பூனையும் எலியும் (Blind cat and blind rat)
விளையாட வந்திருப்பவர்களில் ஒருவரை பூனையாகவும், இன்னொருவரை எலியாகவும், தேர்ந்தெடுக்க வேண்டும்.
மற்ற விளையாட்டுக்காரர்களை கைகோர்த்துக் கொண்டு வட்டமாக நிற்கச் செய்த பிறகு, பூனையின் கண்களையும், எலியின் கண்களையும் கர்ச்சீப்பால் கட்டி விட்டு, எலியை வட்டத்திற்குள்ளும், பூனையை வட்டத்திற்கு வெளியிலும் நிற்கச் செய்த பிறகு, ஆட்டம் தொடருகிறது.
இப்போது, குருட்டுப் பூனை, குருட்டு எலியைப் பிடிக்க வேண்டும்.