பக்கம்:வெற்றி மேல் வெற்றி பெற.pdf/33

30 வெற்றிமேல் வெற்றி பெற...

அழிந்து போகக் கூடியவற்றில் இன்னமும் இறுகப் பிடித்துக் கொள்ளாமல், நாம் விரைவாகவே அழிவில்லாத தற்குச் சென்று,

பாதுகாப்பெனும் பெரும் பாறையைக் கண்டு கொள் வோம்.

உடல் வளர்ந்து முதுமை பெறுகிறது; ஆற்றல் இழந்து தளர்வடைந்து அழிந்து போகிறது;

பேராசைகள் எரிந்து போகின்றன, கழிவிரக்கத்தின் சாம்பல் மட்டுமே மிஞ்சுகிறது;

இன்பங்கள் நிறைவளிப்பதை நிறுத்திக் கொள்கின்றன; துன்பங்கள் அவற்றின் இடங்களை நிரப்புகின்றன;

ஆனால் உண்மை அழிவற்றது.

உண்மை எக்காலத்திலும் அதிர்ச்சி அடைவதோசுருக்கு வதோ அழிந்து போவதோ இல்லை;

அது எரிந்து போவதுமில்லை, பின்னால் துயரமோ நோக்காட்டையோ விட்டுச் செல்வதில்லை.

அழியக் கூடியவற்றில் மனத்தைப் பதிய வைப்பவர்கள்; கொடிய ஆசைகளினால் விழுங்கப்பட்டவர்கள்; மகிழ்ச்சியற்றும் துன்பம் மிகுந்தும் வாழ்பவர்கள் மீட்கப்படமாட்டார்கள்.

மீட்கப்படுபவர்கள், அழிவற்றவை பற்றிய அறிவு பெற்றிருப்பதாலும் அவர்களிடம் நேர்மை இருப்பதாலும்,

மகிழ்ச்சியுடனும் களிப்புடனும் வ்ாழ்கின்றனர். ஏனெனில், உண்மை எப்போதும் அழகும், ஒளியும் கொண்டுள்ளது.

ஆம்! உண்மை எப்போதும் அமைதி அளிக்கிறது;