வெற்றி யாருக்கு? எங்கும் விசாரித்தேன். அந்தத் தமிழ்த் தேவதை என் கண்ணுக்குப் புலகைவில்லை. ஒகோ, இது ஒரு மயக்கமோ, பட்டப் பகலில் உஷ்ண மிகுதியால் உணவுண்ட பின் உண்டாகும் நெட்டைக் கனவோ!' என்று சந்தேகித்தேன். இல்லை, இல்லை; எல்லோருமா என்னைப் போல் கனவு கண்டுவிட்டார்கள் ? மறு நாள் காலையில் என் வக்கீல் நண்பர் ஒரு வர் வீட்டிற்குச் சென்றேன். போனதும் அவர் என்னைப் பார்த்து, என்ன நீங்கள் எப்பொழுதும் மாலையில் இங்கு வருவீர்களே ! நேற்று ஏன் வர வில்லை ? விசித்திர இசை அமிழ்தமான விருந்தை இழந்துவிட்டீர்களே! என்று கேட்டார். மாலையில் பாரதியார் வந்திருந்தாராம் ; பாஞ்சாலி சபதம் படித்தாராம் ! ஐயோ என் துர் அதிர்ஷ்டம்! அதன் பின் நான் பாரதியாரைக் கானும் பாக்கியத்தைப் பெறவில்லை. இப்பொழுது அவரு டைய தேசீய கீதங்க'ளின் முகப்பில் காணப்படும் அவருடைய படத்தைக் கண்டே ஆறுதல் அடை கிறேன். இல்லை, இல்லை; அவருடைய ஆன்மா அன்று அவர் விழிகளில் ஜ்வலித்ததுபோல் அவருடைய கவிகளிலும் ஜ்வலிக்கின்றதல்லவா? அந்தக் கவிகளிலும் அவரைப் பார்க்கிறேன். 60
