கலைக்களஞ்சியம்/அப்பூலியா

அப்பூலியா (Apulia) இத்தாலியின் தென்கிழக்கு மாகாணங்களுள் ஒன்று. பரப்பு: 7,442 சதுர மைல். மக்: 32,10,411 (1951). இம்மாகாணத்தில் பார் (Bari) முதலிய நகரங்களுண்டு. கிராமங்கள் மிகக் குறைவு. வாதுமை, எலுமிச்சை, ஆரஞ்சு, புகையிலை முதலியன ஏராளமாகப் பயிர் செய்யப்படுகின்றன சாராயம் காய்ச்சுதலும், மீன்பிடித்தலும் முக்கிய தொழில்கள். பொலோனாவிலிருந்து பிரிண்டிசிக்குள் செல்லும் ரெயில் பாதை அப்பூலியா வழியே செல்கிறது. பாரி, பிரிண்டிசி, ட்ரென்டோ, காலிபோலி முதலியவை முக்கிய துறைமுகப் பட்டினங்கள்.