749. முனைமுகத்து மாற்றலர் சாய வினைமுகத்து
வீறெ-தி மாண்ட தரண்.
(இ-ரை.) முனைமுகத்து மாற்றலர் சாய - போர்த்தொடக்கத்திலேயே பகைவர் புண்பட்டு விழுமாறு; வினைமுகத்து வீறு எ-தி - நொச்சியாரின் வினைவேறுபாடுகளாற் சிறப்புப் பெற்று; மாண்டது அரண் - பல்வேறு உறுப்புகளாலும் மாட்சிமைப்பட்டதே சிறந்த கோட்டையரணாவது.
பகைவர் அகழியை அடுத்தவுடனே பட்டுவிழுமாறு, மதில்மேலிருந்து கல்லும் அம்பும் விட்டேறும் சோனைமாரியா-ச் சொரிதலால், 'முனைமுகத்து மாற்றலர் சாய' என்றார். தொடக்கத்திலேயே பெருந்தொகையினர் சா-தலால், பின்னும் தாக்குப்பிடித்து நிற்றலும் பொருதலும் கூடாது பின் வாங்கியோடுவர் என்பதாம். வினைவேறுபாடுகளாவன: அகழியைக் கடக்கு முன் எ-தலும் எறிதலும் வீசுதலும்; மதிலைப் பற்றியபின், கடித்தலும் உமிழ் தலும் இறைத்தலும் எறிதலும் கோத்து வலித்தலும் கட்டுதலும் பூட்டு முறுக்குதலும், கொத்துதலும் நெட்டித் தள்ளுதலும் குத்துதலும் பொதுக்குதலும் கிழித்தலும் அடித்தலுமாகிய பொறிவினைகளும்; குத்துதலும் வெட்டுதலும் பிளத்தலுமாகிய படைவினைகளுமாம். அரண் மாண்பிற் கேற்ற பிறவுறுப்பு கள்: மதில்மேலுள்ள பதணம், ஏப்புழை, சூட்டு, ஞாயில் (ஏவறை), கொத்தளம் (காவற்கோபுரம்) முதலியனவும், பகைவர்க்குத் தெரியாது நகர்க்கு வெளியே சென்றுவர நிலத்தின் கீழமைத்த சுருங்கை முதலியனவுமாம்.
750. எனைமாட்சித் தாகியக் கண்ணும் வினைமாட்சி
யில்லார்க ணில்ல தரண்.
(இ-ரை.) அரண் - கோட்டையரணமைப்பு; எனை மாட்சித்து ஆகியக் கண்ணும்; மேற்சொல்லப்பட்ட வுறுப்புக ளெல்லாவற்றோடுங்கூடி எத்துணை மாட்சிமைப்பட்டதா யிருப்பினும்; வினை மாட்சி இல்லார்கண் இல்லது - போர்வினைச் சிறப்பில்லாதவரிடத்துப் பயன்படாததாம்.
வினைமாட்சியாவது வெற்றிக்கேதுவான பல்வேறு வினைத்திறமை. வினைமாட்சியின்மை கூறவே, குறைவினையோடு வினையின்மையும் மிகைவினையும் தகாவினையும் கடியப்பட்டனவாம். இருந்தும் பயன் படாமை அல்லது பயன்படுத்தப்படாமை இல்லாமையோ டொக்குமாதலின்,
