இப்பக்கம் மெய்ப்பு பார்க்கப்பட்டுள்ளது
22
குழந்தைச் செல்வம்
துன்பமிகத் தாமடைந்தும், வெண்ணிலாவே! - பிறர்க்குச்
சுகமளிப்பார் உன்போலுண்டோ? வெண்ணிலாவே!
18
இருளதனை விழுங்கவல்ல வெண்ணிலாவே! -உன்னை
இருள்விழுங்கும் சூழ்ச்சியெதோ? வெண்ணிலாவே!
19
23. மலர்கள்-I
பூமகளின் புன்னகைபோல்
பூத்திடு வோமே! - கம்பன்
பாமணக்குந் தமிழினைப் போல்
பரிமளிப் போமே !
1
வண்ணவண்ணச் சேலைகட்டி,
மகிழ்ந்திருப் போமே! - இந்த
மண்ணகமும் விண்ணகமாய்
மாறச் செய்வோமே!
2
மங்கையர்க்கும் ஆடவர்க்கும்
மணமுடிப் போமே! - மன்னர்
தங்கமுடி மீதும் நாங்கள்
தங்கி வாழ்வோமே!
3
கரும்பினிலும் இனியரசம்
கருதி வைப்போமே! - அதை
விரும்பிவரும் நண்பருக்கு
விருந்தளிப் போமே!
4
ஈசனருள் வேண்டி நிதம்
இணையடி போற்றி - நல்ல
வாசமெழு தூபதீபம்
வழங்கி நிற்போமே!
5
