அறிவியல் வினா விடை - விலங்கியல்/உயிரியல் துறைகள்
1. உயிரியல் என்றால் என்ன?
- உயிரிகளை ஆராயும் ஒர் அடிப்படை அறிவியல். தாவரவியல், விலங்கியல், உடலியல் ஆகிய மூன்றும் இதில் அடங்கும்.
2. உயிரி அளவியல் என்றால் என்ன?
- உயிரியல் உற்று நோக்கல்ளையும் நிகழ்ச்சிகளையும் புள்ளிவிவர முறையில் பகுப்பது.
3. உயிரி தகவலியல் என்றால் என்ன?
- உயிர்கள் பற்றிப் பல தகவல்களை அளிக்கும் துறை.
4. உயிர் அறிவியல் என்றால் என்ன?
- உயிர்களைப் பற்றி ஆராயுந்துறை. இதில் உயிரியல், மருத் துவம், விலங்கியல், தாவரவியல் முதலியவை அடங்கும்.
5. உயிரியல் பொறியியல் என்றால் என்ன?
- குறையுள்ள அல்லது நீக்கப்பட்ட உடல் உறுப்புகளை ஈடுசெய்யும் வகையில் வடிவமைத்து உருவாக்கப்படும் கருவிகளை ஆராயுந்துறை. எ-டு செயற்கை உறுப்புகள், கேட்க உதவுங்கருவிகள்.
6. உயிரியல் மின்னணுவியல் என்றால் என்ன?
- மின்னணுக் கருவிகளை உடலில் பதிய வைத்து மக்கள் நல்வாழ்வுக்கு உதவுவதை ஆராயுந்துறை.
7. நடத்தை இயல் என்றால் என்ன?
- விலங்கு நடத்தை சூழ்நிலைத் தகைவு முதலியவற்றை ஆராயுந்துறை.
8. நல்லியல் என்றால் என்ன?
- மாந்தரின் மரபுப் பண்புகளை மேம்படுத்துவதை ஆராயுந்துறை.
9. பூச்சியியல் என்றால் என்ன?
- பூச்சிகளை ஆராயுந்துறை.
10. பூச்சிக் கவர்ச்சி என்றால் என்ன?
- பூச்சிகளினால் அயல் மகரந்தச் சேர்க்கை நடைபெறுதல்.
11. உயிர் மின்னியல் என்றால் என்ன?
- உயிரிகளில் நடைபெறும் மின்நிகழ்ச்சிகளை ஆராயுந்துறை
12. கண்ணறைவியல் என்றால் என்ன?
- உயிரணுக்களையும் அவற்றின் பகுதிகளையும் அமைப்பு நோக்கிலும் வேலைநோக்கிலும் ஆராயுந்துறை.
13. குளிர் உயிரியல் என்றால் என்ன?
- உயிர்களில் கடுங்குளிர் விளைவுகளை ஆராய்வது.
14. தொல்லுயிரியியல் என்றால் என்ன?
- புவிவளரியலின் ஒரு பிரிவு.அழிந்தொழிந்த உயிரிகள் அவற்றின் புதை படிவங்கள் ஆகியவற்றை ஆராயுந்துறை.
15. நுண் தொல்லுயிரி இயல் என்றால் என்ன?
- சிறப்புப் பெற்றுவரும் துறை. நுண்புதைபடிவங்களை ஆராய்வது. குறிப்பாகத் தொல்பொருள்களின் அகவையை உறுதிசெய்வதிலும் எண்ணெய்த் தேட்டத்திலும் பயன் படுவது.
16. மூலக்கூறு உயிரியல் என்றால் என்ன?
- உயிரியலில் சிறப்புள்ள மரபணுஅமைப்பை ஆராயுந்துறை.
17. உயிர்விசை இயல் என்றால் என்ன?
- உயிரை எந்திரமாகக் கொண்டு அதன் வேலைகளை ஆராயுந்துறை.
18. உயிர் மருத்தவப் பொறிஇயல் என்றால் என்ன?
- உயர்சார் மருத்துவத்தைப் பொறிஇயல் தொடர்பாக ஆராயுந்துறை.
19. புது இயல் என்றால் என்ன?
- புதுப் பொருள்களை ஆராயுந்துறை.
20. உயிரியல் தொலை அளவை என்றால் என்ன?
21. புவிவெளி உயிரியல் என்றால் என்ன?
- புவிக்கு அப்பாலுள்ள கோள் உயிரிகளை ஆராயுந்துறை. வானவெளி அறிவியல் என்னும் பரந்த அறிவியலோடு தொடர்புடையது.
22. உருவியல் என்றால் என்ன?
- ஒர் உயிரியின் உருவத்தை ஆராயுந்துறை. புற உருவியல் அக உருவியல் என இருவகை.
23. பருவ இயல் என்றால் என்ன?
- பருவ நிலைகளில் தாவரங்கள் தாக்குறுவதை ஆராயுந் துறை. குறிப்பாகக் பூக்கள் பூத்தல், பறவை முதலியவை இடம் பெயர்தல் ஆகியவைபற்றி ஆராய்வது.
24. நுண்ணுயிரி என்றால் என்ன?
- வெற்றுக் கண்ணுக்குத் தெரியாத உயிர். எ.டு. அமீபா, கிளமிடோமோனாஸ்.
25. நுண்ணுயிரி இயல் என்றால் என்ன?
- நச்சுயிர், குச்சி வடிவ உயிர் ஆகியவற்றை ஆராயுந்துறை.
26. கதிரியல் உயிரியல் என்றால் என்ன?
- உயிரிகளில் கதிர்வீச்சின் விளைவுகளை ஆராயுந்துறை உயிரியியலின் பிரிவு.
27. கதிரியல் மரபணுவியல் என்றால் என்ன?
- கால்வழியால் கதிர்வீச்சு விளைவுகளை ஏற்படுத்தும் மாற்றங்களை ஆராயுந்துறை.
28. உயிரியலின் ஒரு பிரிவு. புவி உயிர்பரவியல் என்றால் என்ன?
- இவ்வுலகில் தாவரங்களும் விலங்குகளும் பரவி இருப்பதை ஆராயுந்துறை.
29. உயிரியல் அளவை என்றால் என்ன?
31. உயிரியல் இயற்பியல் என்றால் என்ன?
- உயிரின் இயற்பியல் பண்புகளை ஆராயுந்துறை.
32. உயிரியல் வேதியியல் என்றால் என்ன?
- உயிரின் வேதிப்பண்புக்ளை ஆராயுந்துறை.
33. தகவுப்பாடு அல்லது சரிசெய்துக் கொள்ளுதல் என்றால் என்ன? இதன் நோக்கம் யாது?
- தன் உறுப்பு, உறுப்பின் வேலை முதலியவற்றால் ஒர் உயிரி தன்னைத்தானே தக அமைத்துக் கொள்ளுதல். இதன் தலையாய நோக்கம் ஒரு நிலைப்பாட்டை அடைதல்.
34. இதன் வகைகள் யாவை?
- 1.தனித்தகவுப்பாடு 2. குழுத்தகவுப்பாடு
35. இது எத்துறை சார்ந்தது? எத்துறையில் பயன்படுவது?
- உயிரியல்துறை சார்ந்தது. உளவியலில் பயன்படுவது.
36. உயிரியல் வளங்கள் யாவை?
- தாவரங்களையும் விலங்குகளையும் உள்ளடக்கிய இயற்கை வளங்கள்.
37. உயிரியல் சேர்க்கை என்றால் என்ன?
- உயிரிகள் வேதிப்பொருள்களைத் தொகுத்தல்.
38. உயிரியல் ஒளிர்வு என்றால் என்ன?
- உயிர்ப்பொருள்களில் உண்டாக்கப்படும் ஒளி.ஆக்ஸிஜன் ஏற்றப்பண்புடைய லூசிபெரின் என்னும் வேதிப்பொருளினால் ஒளி உமிழப்படுகிறது. இதற்கு லுசிபெரஸ் நொதி பயன்படுகிறது. எ-டு. மின்மினிப்பூச்சி.
39. உயிரியல் கொல்லி என்றால் என்ன?
- தீங்குதரும் தாவரம், விலங்கு முதலியவற்றைக் கொல்லும் வேதிப்பொருள். இதில் பூஞ்சைக் கொல்லி முதலியவை
40. உயிரியல் கணிப்பு என்றால் என்ன?
- அளவு முறையில் உயிரியல் ஊக்கிகளை மதிப்பிடுவது. எ-டு. அய்ட்ரஜன் மதிப்பீடு.
41. உயிரியல் போர் என்றால் என்ன?
- பயிர்களையும் விலங்குகளையும் அழிக்க நோய் உண்டாக்கும் உயிரிகளைப் பயன்படுத்தல்.
42. உயிரியல் வேற்றுமை என்றால் என்ன?
- பல வேறுபாடுகளைக் கொண்ட உயிரிகள் இயற்கைச் சமநிலை குலையாது வாழ்தல்.
43. உயிரி ஒழுங்கு என்றால் என்ன?
- உயிரியல் தாளமுறை. உயிரியின் நடத்தையில் ஏற்படும் பருவ நிகழ் மாற்றம் உயிரியல் கடிகாரத்தால் நிலை நிறுத்தப்படுவது. எ-டு. பகற்பொழுது ஒழுங்கு.
44. உயிரியல் கோலம் என்றால் என்ன?
- உயிர்கள் அடங்கிய உலகம். கல்வெளி, காற்றுவெளி, நீர்வெளி ஆகியவை இதில் அடங்கும்.
45. உயிரியல் முன்னறிவிப்பிகள் யாவை?
- நில நடுக்கம் முதலிய இயற்கைச் கேடுகளை முன்கூட்டி அறிவித்து, அவ்விடத்தை விட்டு அகலும் விலங்குகள். எ-டு. எலி, பாம்பு, பறவை.
46. உயிரிகளின் சிறப்பியல்புகள் யாவை?
- 1. முன்கணியம்
- 2. அளவும் வடிவமும்
- 3. கட்டமைப்பு
- 4. உறுத்துணர்ச்சி
- 5. வளர்சிதைமாற்றம்
- 6. வளர்ச்சி
- 7. குறிக்கோளுடைய செயல்
- 8. இனப்பெருக்கம்
- 9. சுழல் மாற்றங்கள்
- இவை உயிரற்ற பொருள்களுக்கு இல்லை.
47. உயிரியலின் புதிய துறைகள் யாவை?
- நுண்ணுயிரி இயல், மூலக்கூறு உயிரியல், வானவெளி உயிரியல், உயிரி தொழில் நுட்பவியல்.