கலைக்களஞ்சியம்/ஆக்ஸ்பர்க்

ஆக்ஸ்பர்க் (Augsburg) தென் ஜெர்மனியில் பவேரியாப் பகுதியிலுள்ள நகரம். அகஸ்டஸ் சக்கரவர்த்தி கி.மு.12-ல் நிறுவிய ஒரு பழைய குடியேற்றம் இருந்த இடத்தில் இருக்கிறது. இப்போது இங்கே கண்ணாடி, பீங்கான், கடிகாரம், ரசாயனப் பொருள்கள் செய்யப்படுகின்றன. இரண்டாவது உலக யுத்தத்துக்கு முன்னர் இங்குத்தான் டீசல் நீர்மூழ்கி எஞ்சின்கள் அதிகமாகச் செய்யப்பட்டு வந்தன. மக் : 1,85,374 (1934).