கலைக்களஞ்சியம்/இந்தியத் தேசிய விஞ்ஞானச் சங்கம்

இந்தியத் தேசிய விஞ்ஞானச் சங்கம் (National Institute of Science of India) விஞ்ஞான அறிவை வளர்ப்பதற்கும், அவ்வறிவைத் தேசியப் பிரச்சினைகளுக்குப் பயன்படுத்துவதற்கும் 1935-ல் நிறுவப்பட்டு,1945-ல் அரசாங்கத்தின் மதிப்புப் பெற்றுள்ளது. அரசாங்கத்துக்கு விஞ்ஞானப் பிரச்சினைகள் பற்றி ஆலோசனைகள் கூறும் நிலையமாக இருந்து வருகிறது. இதில் சிறந்த விஞ்ஞானிகள் உறுப்பினராக இருக்கிறார்கள். அயல்நாட்டு விஞ்ஞானப் பெரியார்கள் சிலர் கெளரவ உறுப்பினராக இருக்கிறார்கள். இச்சங்கம் இரண்டு இதழ்கள் வெளியிடுகின்றது.